Jon budzie doŭžycca da 9 krasavika - Vialikaha čaćviarha.
Papialcovaja sierada — dzień, jakim u Katalickim Kaściole raspačynajecca pieryjad Vialikaha postu abo sarakadzionnaha pakajańnia, — prypała sioleta na 25 lutaha. Pieryjad Vialikaha postu źjaŭlajecca časam adnaŭleńnia i ŭzrastańnia žyćcia ŭ Duchu Śviatym.
Vialiki post sioleta zavieršycca ŭ Vialiki čaćvier 9 krasavika.U hety dzień raspačniecca śviatkavańnie Paschalnaha Tryduuma muki, śmierci i ŭvaskrasieńnia Pana. Vialikdzień u katalikoŭ u hetym hodzie prypadaje na 12 krasavika. [u pravasłaŭnych - 19 krasavika -- NN]
«Pamiataj, što ty — prach i ŭ prach vierniešsia» (par. Byc 3, 19), — nahadvajuć viernikam śviatary, pasypajučy ŭ Papialcovuju sieradu ich hałovy popiełam. Hety žest simvalizuje raspačaćcie padrychtoŭki da najvažniejšaha śviata chryścijanaŭ — Vialikadnia.
Tradycyja pasypać hałovy popiełam zaradziłasia ŭ VIII st., a ŭ XI st. papa Urban II abviaściŭ hety zvyčaj abaviazkovym dla ŭsiaho Kaścioła. U tyja časy było taksama pryniata, što pavinien vykarystoŭvacca popieł sa spalenych vierbačak, aśviečanych u Palmovuju niadzielu minułaha hoda.
Vialiki post praciahvajecca 40 dzion, nie ŭličvajučy niadzielaŭ, jakija źjaŭlajucca dniami pamiaci ŭvaskrasieńnia Pana. Post nahadvaje toj čas, jaki Chrystos pravioŭ u pustyni, rychtujučysia praz suzirańnie i post da navučańnia, azdaraŭleńnia nie tolki ciełaŭ, ale pierš za ŭsio dušaŭ, da abviaščeńnia Božaj miłasernaści i zaachvočvańnia ludziej da miru.
U hreka-katalikoŭ Vialiki Post pačaŭsia 23 lutaha. U pravasłaŭnych zaraz idzie Maśleničny tydzień.
Zahinuŭ biełaruski dobraachvotnik Vasil «Dzir» Rapicki11
Kamientary