Biełaruskaje pasolstva ŭ Rasii: Słovy Siamaški pra supolny parłamient i ŭrad vyrvanyja z kantekstu
U biełaruskim pasolstvie ŭ Rasii «Našaj Nivie» prakamientavali zajavu pasła Uładzimira Siamaški nakont supolnaha parłamienta i ŭrada Rasii i Biełarusi.
«Kali ŭvažliva pasłuchać zapis, to možna pačuć, što pasoł robić adsyłku da Sajuznaha dahavora, dzie ŭsio toje, što jon skazaŭ, niepasredna vyznačana. Tamu kamientary tut zališnija, a voś vy vyrvali frazu z kantekstu i niekarektna vynieśli jaje ŭ zahałovak», — skazaŭ pres-sakratar biełaruskaha pasolstva ŭ Rasii Aleh Mazura.
Nahadajem, siońnia pasoł Biełarusi ŭ Rasii Uładzimir Siamaška zajaviŭ, što krainy praciahvajuć pracu nad uzhadnieńniem darožnych kart pahłyblenaj intehracyi.
— Prezidenty damovilisia, što mety zajaŭleny hrandyjoznyja i jany nie pavinny źmianiacca. Heta pierachod na ŭnifikavanaje padatkovaje zakanadaŭstva, stvareńnie adzinych rynkaŭ nafty, hazu i elektraenierhii, stvaryć adziny parłamient i ŭrad z peŭnymi paŭnamoctvami, kali niezaležnyja Rasija i Biełaruś addajuć navierch peŭnyja kirujučyja funkcyi z abaviazkovym vykanańniem, — skazaŭ Siamaška.
Čytajcie taksama: Siamaška: Prezidenty damovilisia stvaryć adziny parłamient i ŭrad z peŭnymi kirujučymi funkcyjami
Apytanka
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary