Беларускае пасольства ў Расіі: Словы Сямашкі пра супольны парламент і ўрад вырваныя з кантэксту
У беларускім пасольстве ў Расіі «Нашай Ніве» пракаментавалі заяву пасла Уладзіміра Сямашкі наконт супольнага парламента і ўрада Расіі і Беларусі.
«Калі ўважліва паслухаць запіс, то можна пачуць, што пасол робіць адсылку да Саюзнага дагавора, дзе ўсё тое, што ён сказаў, непасрэдна вызначана. Таму каментары тут залішнія, а вось вы вырвалі фразу з кантэксту і некарэктна вынеслі яе ў загаловак», — сказаў прэс-сакратар беларускага пасольства ў Расіі Алег Мазура.
Нагадаем, сёння пасол Беларусі ў Расіі Уладзімір Сямашка заявіў, што краіны працягваюць працу над узгадненнем дарожных карт паглыбленай інтэграцыі.
— Прэзідэнты дамовіліся, што мэты заяўлены грандыёзныя і яны не павінны змяняцца. Гэта пераход на ўніфікаванае падатковае заканадаўства, стварэнне адзіных рынкаў нафты, газу і электраэнергіі, стварыць адзіны парламент і ўрад з пэўнымі паўнамоцтвамі, калі незалежныя Расія і Беларусь аддаюць наверх пэўныя кіруючыя функцыі з абавязковым выкананнем, — сказаў Сямашка.
Чытайце таксама: Сямашка: Прэзідэнты дамовіліся стварыць адзіны парламент і ўрад з пэўнымі кіруючымі функцыямі
Апытанка
Цяпер чытаюць
«Калеснікава кажа, што не збіраецца выходзіць, пакуль не выйдзе апошні з палітвязняў»30
Каментары