Biełaruś i Rasija praciahvajuć pracu nad uzhadnieńniem darožnych kart pahłyblenaj intehracyi i paralelna vyrašajuć prablemu cen na enierhanośbity ŭ 2020 hodzie, raskazaŭ pasoł Biełarusi ŭ Rasii Uładzimir Siamaška, paviedamlaje Tut.by.
— Prezidenty damovilisia, što mety zajaŭleny hrandyjoznyja i jany nie pavinny źmianiacca. Heta pierachod na ŭnifikavanaje padatkovaje zakanadaŭstva, stvareńnie adzinych rynkaŭ nafty, hazu i elektraenierhii, stvaryć adziny parłamient i ŭrad z peŭnymi paŭnamoctvami, kali niezaležnyja Rasija i Biełaruś addajuć navierch peŭnyja kirujučyja funkcyi z abaviazkovym vykanańniem. Takaja zadača zaraz vyrašajecca.
Siamaška raspavioŭ, što z 31 padrychtavanaj darožnaj karty pahłyblenaj intehracyi 20 kart «absalutna ŭzhodnienyja» pa vynikach niadaŭniaj sustrečy premjer-ministraŭ dźviuch krain. Da 7 śniežnia, adznačyŭ pasoł, zastajecca tydzień, treba «znajści kansensus, kampramis, kab minimizavać razychodžańni».
— Nad hetym i pracujem. A dalej apošniaje słova budzie za prezidentami krain. Pierakanany, zadačy buduć vyrašany, — adznačyŭ Siamaška.
Jon rastłumačyŭ, što ŭ darožnych kartach prapisana stvareńnie adzinych rynkaŭ da 2021 hoda, ale jašče treba pražyć ceły hod, 2020-y, mieć peŭnuju canu na haz, vyrašyć prablemu kampiensacyi padatkovaha manieŭru.
Praciah: Biełaruskaje pasolstva ŭ Rasii: Słovy Siamaški pra ahulny parłamient i ŭrad vyrvanyja z kantekstu
Apytanka
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»20
Kamientary