Staŭka ekspartnaj pošliny na syruju naftu ŭ Biełarusi z 1 sakavika pavyšana z $100,9 za 1 t da $115,3. Adpaviednaje rašeńnie źmiaščajecca ŭ pastanovie ŭrada numar 247, paviedamili BIEŁTA u Aparacie Saŭmina.
Pamier pošliny skarekciravany ŭ suviazi z anałahičnym pavieličeńniem ekspartnaj pošliny na naftu z 1 sakavika ŭ Rasijskaj Fiederacyi. Da ŭzroŭniu rasijskich pavyšany i ekspartnyja pošliny na naftapradukty. Tak, pošlina na śvietłyja naftapradukty (lohkija i siarednija dystylaty, hazojli, bienzoł, tałuoł, ksiłoły) składaje $90 za 1 t suprać raniejšych $80,3 za 1 t, na ciomnyja naftapradukty(masły, adpracavanyja naftapradukty, minieralnyja voski, koks naftavy, bitum naftavy i inšyja astatki naftapierapracoŭki) — $48,5 za 1 t (raniejšaja staŭka — $43,2 za 1 t).
U adpaviednaści ź mižuradavym biełaruska‑rasijskim pahadnieńniem staŭki ekspartnych pošlin na naftu i naftapradukty ŭ Biełarusi ŭstanaŭlivajucca ŭ pamiery, roŭnym staŭkam, što prymianiajucca ŭ Rasii. Uvodzicca ŭ dziejańnie jany pavinny ŭ tyja ž terminy, što i staŭki, jakija ŭstanaŭlivajucca adpaviednymi narmatyŭnymi pravavymi aktami Rasijskaj Fiederacyi.
Zhodna ź biełaruska‑rasijskimi damoŭlenaściami pošlina na naftu, jakaja pastaŭlajecca ŭ Biełaruś z Rasii, u 2009 hodzie raźličvajecca z prymianieńniem kaeficyjenta 0,356. Takim čynam, z 1 sakavika jana składaje dla Biełarusi $41 za 1 t.
Akaŭnt Kabančuka ŭzłamali — ale ci biełaruskija śpiecsłužby?8
Kamientary