U Minsku adbyŭsia čarhovy «łancuh niezaležnaści» FOTY, VIDEA
U Minsku prajšła čarhovaja antyintehracyjnaja akcyja: 30-chvilinny žyvy łancuh. Niazhodnych ź intehracyjaj zaklikali ŭziacca za ruki i stać uzdoŭž praśpiekta Niezaležnaści ad Kastryčnickaj płoščy da płoščy Niezaležnaści. Sama akcyja atrymałasia niešmatlikaja.
U łancuh vystrailisia niekalki dziasiatkaŭ čałaviek. Siarod udzielnikaŭ — staršynia ruchu «Za svabodu» Juraś Hubarevič, sustaršynia BCHD Vital Rymašeŭski, pieršy namieśnik staršyni partyi «Zialonyja» Dźmitryj Kučuk, aktyvistka Nina Bahinskaja i inšyja.
Adzin z pjanych minakoŭ vyrašyŭ «pavychoŭvać» udzielnikaŭ akcyi: «Ja pravasłaŭny čałaviek. A takich jak ty va Ukrainie hvałciać, chočaš — chadziem za kut, ja pakažu jak, atrymaješ šmat zadavalnieńnia».
Heta ŭžo druhaja za siońnia akcyja suprać intehracyi z Rasijaj. Raniej aktyvisty praviali mitynh na Kastryčnickaj płoščy, a taksama prajšlisia šeściem da płoščy Niezaležnaści.
Na pieršaj akcyi było kala 100 čałaviek.
Kamientary