Adkryjcie dla siabie «Kramu» pa-novamu. Hałoŭnyja chity, redkija pieśni i dźvie premjery ŭ Belsat Music Live VIDEA
Jašče niadaŭna hurt z amal 30-hadovaj historyjaj byŭ na miažy raspadu, ale ciapier muzyki rychtujuć dziaviaty albom u svajoj dyskahrafii.
Siońnia «Kramu» i ich lidara Ihara Varaškieviča ličać kłasikami biełaruskaha roku, ale kaliści hurt moh stać polskim i navat brytanskim. Pieśnia «Stefka» na biełaruskaj movie navat udzielničała ŭ anhlijskich chit-paradach. U Polščy ž «Krama» pierazapisała niekalki svaich piesień pa-polsku, ale stać zamiežnym hurtu tak i nie była nakanavana. Pra pryčyny raspavioŭ Ihar Varaškievič ŭ hutarcy ź viadučaj prahramy Miraj Šulc.
«Krama» u studyi praśpiavała svaje hałoŭnyja chity, uzhadała redkija pieśni, a taksama prezientavała dźvie pieśni z nastupnaha alboma, jakoha mahło b i nie być.
Hetyja kampazicyi Varaškievič rychtavaŭ dla solnaha prajektu. Ale paśla sychodu z hurta Siarhieja Truchanoviča i prychodu zamiest jaho novaha hitarysta Andreja Kraŭceviča było vyrašana zapisać novuju prahramu jak «Krama».
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Padpisvajciesia na kanał «Biełsat Muzyka», kab nie prapuścić novyja vypuski.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary