Śviet44

Zasnavalnik «Jandeksa» naniaŭ achovu, kali Pucin pažadaŭ jamu zdaroŭja

Zasnavalnik kampanii «Jandeks» Arkadź Vołaž raskazaŭ ahienctvu Bloomberg, što ŭpieršyniu naniaŭ achovu paśla taho, jak prezident Rasii Uładzimir Pucin u vieraśni 2023 hoda pažadaŭ jamu zdaroŭja. Pa słovach Vołaža, jon adčuŭ dyskamfort paśla hetaha vykazvańnia, ale «imkniecca nie dumać pra heta».

Arkadź Vołaž. Fota: «Korriespondient»

Biznesmien pryznaŭsia, što nie ŭjaŭlaje sabie viartańnia ŭ Rasiju.

«Heta mianie biantežyć. Ja dumaŭ, što tuha pa domie budzie značna macniejšaj. Ciapier ja navat nie čytaju naviny. Ja nie adčuvaju… Nie viedaju, heta bolš nie majo», — skazaŭ jon.

Prodaž rasijskaha biznesu «Jandeksa» Vołaž paraŭnaŭ z zychodam habrejaŭ ź Jehipta. Jon, praŭda, adznačyŭ, što «nie ŭsio straciŭ». «Nam dazvolili pajści ź niekatoraj majomaściu», — dadaŭ jon.

Pa słovach biznesmiena, paśla prodažu rasijskich aktyvaŭ jon vydaliŭ usie dadatki «Jandeksa» z telefona.

Arkadź Vołaž u 2014 hodzie pierajechaŭ u Izrail. U žniŭni 2023 hoda jon vystupiŭ «kateharyčna suprać» vajny va Ukrainie ― praz paŭtara hoda paśla pačatku bajavych dziejańniaŭ. Tady biznesmien adznačyŭ, što dla jahonaha maŭčańnia «było šmat pryčyn».

U razmovie z Bloomberg Vołaž patłumačyŭ svajo tahačasnaje pramarudžvańnie nieabchodnaściu pierasialić kala 1 tysiačy supracoŭnikaŭ «Jandeksa», jakija zachacieli vyjechać z Rasii.

Kamientujučy słovy Vołaža pra vajnu, Pucin vykazaŭ zdahadku, što zasnavalnik «Jandeksa» byŭ «vymušany rabić peŭnyja zajavy», kab žyć u Izraili «na dobrym uzroŭni i mieć dobryja stasunki z uładami». «Nu, daj Boh jamu zdaroŭja, chaj jamu tam dobra žyviecca», — skazaŭ Pucin. Jon nazvaŭ Vołaža talenavitym čałaviekam, jaki stvaryŭ «sapraŭdy dobruju kampaniju».

Bloomberg adznačaje, što Pucin taksama nazyvaŭ talenavitym čałaviekam biznesmiena Jaŭhiena Pryhožyna paśla jahonaj hibieli ŭ žniŭni 2023 hoda.

U červieni 2022 hoda Jeŭrasajuz uvioŭ suprać Vołaža sankcyi, zajaviŭšy, što biznesmien, jak kiraŭnik «Jandeksa», finansava padtrymlivaje ŭrad Rasii, a taksama «niasie adkaznaść za padtrymku dziejańniaŭ abo palityki, jakija pahražajuć terytaryjalnaj cełasnaści, suvierenitetu i niezaležnaści Ukrainy». Paśla hetaha Vołaž pakinuŭ usie pasty ŭ «Jandeksie».

U lutym 2024 hoda maciarynskaja kampanija «Jandeksa» ― niderłandskaja Yandex N. V. ― pradała rasijski biznes kansorcyumu pryvatnych inviestaraŭ i mieniedžaraŭ, paśla čaho stała nazyvacca Nebius. Vołaž uznačaliŭ novuju strukturu. U sakaviku ES źniaŭ sankcyi ź biznesmiena.

Kamientary4

  • J
    10.01.2025
    Kak žal jeho (niet), s diesiatok let s radosťju rabotał nad cifrovym hułahom i połučał milliardy v karman, a okazyvajetsia bojarin to płochoj
  • .
    10.01.2025
    Nibyta raniej jano było pastupovym i ŭ pravilnym napramku. Možna pryhadać, jak dehradavali Jandieks.Novosti i kali heta pačałosia. A ci była ŭpeŭnienaść u biaśpiecy Jandieks.Počty ŭ hady, kali tudy pierajechała pošta tut.by. I h.d.
  • Paliašuk
    10.01.2025
    Zahałovak, niby Cheminhuej napisaŭ svajo druhoje samaje karotkaje čullivaje apaviadańnie. Sučasnaja raška adnym skazam.

Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja7

Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja

Usie naviny →
Usie naviny

Pucin zajaviŭ pra hatoŭnaść da pieramovaŭ z Trampam7

Dziaržprapahanda vydała tradycyjnuju dla ZŠA praceduru za źmienu pazicyi pa vybarach u Biełarusi. Nasamreč ničoha nie mianiajecca1

Minskuju prybiralniu, ź jakoj chacieli zrabić rybny restaran, znoŭ vystavili na tarhi

Ludziam masava piša «Pavažany Akreścina». Što adbyvajecca?1

U Hrodnie adarvali ruku vietlivamu lichtaru2

Pa ŭsioj Biełarusi byŭ maštabny telekamunikacyjny zboj2

Eks-amapaŭcu z dačkoj za ŭdzieł u pratestach dali chatniuju chimiju

U Biełarusi zapuskajuć maršrutku na papularnym napramku. Jana prajedzie 350 km i budzie rabić vialiki kruh

Tankiery z hazam z ZŠA masava mianiajuć maršruty i iduć u Jeŭropu15

bolš čytanych navin
bolš łajkanych navin

Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja7

Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja

Hałoŭnaje
Usie naviny →