Byłaja deputatka Pałaty pradstaŭnikoŭ Alena Anisim viarnułasia na pracu ŭ Instytut movaznaŭstva Nacyjanalnaj akademii navuk Biełarusi, dzie jana pracavała jašče da svajho deputactva.
«Kalehi źbierahli stoł, kresła, a voś kampjutar mianie nie dačakaŭsia. Daviadziecca niešta pakumiekać, pakul dobry źjavicca. U IT-krainie biez kampjutara ni kroku nie zrobiš, tym bolš kali zadumana vialikaja sprava — novy tłumačalny słoŭnik. Vielmi spadziajusia, što z dapamohaj kaleh spravimsia z hetaj zadačaj», — napisała Anisim u svaim fejsbuku.
Alena Anisim taksama źjaŭlajecca staršynioj Tavarystva biełaruskaj movy imia Franciška Skaryny.
Raniej Anisim zajaŭłała pra svoj namier bałatavacca na prezidenckich vybarach 2020 hoda, ale paźniej admoviłasia ad udziełu ŭ vybarach.
U Biełarusi, jak i ŭ minułym hodzie, na pieradnavahodnija chviliny adklučyli jutub1
Kamientary