Saviecki bijatłonny čempijon Cichanaŭ: Našu z saboj ikonu Nieŭskaha i partret Łukašenki
Čatyrochrazovy alimpijski čempijon pa bijatłonie Alaksandr Cichanaŭ raspavioŭ pra svajo žyćcio ŭ Biełarusi, a taksama pakazaŭ fota ź ikonaj i partretam Alaksandra Łukašenki, adkazvajučy na pytańnie ab mahčymaj intehracyi Rasii i Biełarusi.
«Kaliści ŭ mianie byli prablemy z Rasijaj. Heta było čystaje biezzakońnie absalutna. Mnie pryjšłosia 9,5 hadoŭ pražyć u Jeŭropie: u Aŭstryi, u Čechii. U rešcie rešt ja voś užo 6 ci 7 hadoŭ jak pierajechaŭ z Maskvy siudy. I ja vielmi zadavoleny. Mnie časta zadajuć pytańnie: «Voś čamu ty pierajechaŭ? Što ciabie vabić u Biełarusi?». Ja adkazvaju prosta, što ŭ mianie siońnia ŭ Biełarusi i AAE, i Kanarskija vyspy — usio jość u Biełarusi. Prosta treba lubić hetuju ziamlu. A samaje vialikaje bahaćcie Biełarusi — heta narod. Narod, jaki, napeŭna, paciarpieŭ bolš za ŭsich. Lubaja vajna pačynałasia adsiul tudy i nazad. Usio išło praź Biełaruś.
Voś ja zaŭsiody z saboj našu abraz Alaksandra Nieŭskaha. Razvaročvaju zvarotnym bokam i tam u mianie fatahrafija. Ja vielmi daŭno našu fotazdymak Alaksandra Ryhoraviča Łukašenki i nie chavaju hetaha, jak by chto heta ni razumieŭ. I malitva hospada zaŭsiody sa mnoj.
Mnie ciapier časta zadajuć pytańnie, što tyčycca intehracyi Biełarusi i Rasii. Mnie pytajucca za ja ci suprać. Ja adkazvaju, što jak vyrašyć narod. Voś u Rasii narod nichto nie pytaje. Asabista ja pakinuŭ by Biełaruś Biełaruśsiu», — skazaŭ Cichanaŭ u efiry telekanała «Biełsat».
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary