Hramadstva6464

Źbićcio dyrektara kafe ŭ Homieli: zamiašanyja vysokapastaŭlenyja supracoŭniki KDB

«Naša Niva» daviedałasia pra padrabiaznaści pjanaj bojki ŭ kaviarni «The Box 99» na Savieckaj u Homieli. U napadzie na dyrektara kafe padazrajuć supracoŭnikaŭ Kamiteta dziaržaŭnaj biaśpieki.

Padziei adbylisia ŭ davoli rańni čas, kala 18-j hadziny. Niejkija mužčyny padsieli za stoł da dziaŭčat-padletkaŭ i stali da ich zalacacca. Tyja nie adkazali ŭzajemnaściu. I kali dziaŭčaty sabralisia sychodzić, mužčyny pačali zryvać ź ich kurtki. U hety momant u zale znachodziŭsia dyrektar kaviarni, jaki ŭmiašaŭsia ŭ kanflikt.

Mužčyny paklikali jaho «pahavaryć» na vulicu. Adzin ź ich, nievysoki, źbiŭ dyrektara — biŭ akcentavana, pa hałavie, układvajučysia va ŭdary, pakul toj nie straciŭ prytomnaść. Paśla hetaha ahresiŭnyja klijenty reciravalisia, adnak na nastupny dzień sami pryjšli ŭ milicyju.

Śledčy kamitet paviedamiŭ, što padazravany ŭ źbićci zatrymany. 

Paźniej stała viadoma, što fihurantami kryminalnaj spravy stali supracoŭniki KDB. 

Pra adnaho ź ich paviedamiŭ błohier NEXTA, jon nazyvaje byłoha pres-sakratara KDB Dźmitryja Pabiaržyna. Ciapier jon pracuje načalnikam analityčna-infarmacyjnaha ŭpraŭleńnia KDB.

Druhi čałaviek, pa infarmacyi «Našaj Nivy», — heta taksama supracoŭnik KDB. Jon načalnik adździeła ŭpraŭleńnia abarony kanstytucyjnaha ładu minskaha ŭpraŭleńnia KDB.

«Naša Niva» źviarnułasia pa kamientar da samoha Pabiaržyna.

«Toje, što pišuć u internecie, što ja padazravany, heta niapraŭda. Ja nie padazravany, ja hetaha złačynstva nie ździajśniaŭ», — skazaŭ jon. 

Pabiaržyn admoviŭsia ad dalejšych kamientaroŭ i nie staŭ prajaśniać svaju rolu ŭ hetaj historyi. Jon taksama nie paćvierdziŭ, ci praŭda, što padazravany jaho kaleha pa viedamstvie. 

Kamientary64

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Vylecieła ŭ nieviadomym kirunku śpikierka KR Anžalika Mielnikava30

Vylecieła ŭ nieviadomym kirunku śpikierka KR Anžalika Mielnikava

Usie naviny →
Usie naviny

U milicyi nazvali pamier chabaru, jaki ŭziaŭ namieśnik dyrektara Biełaruskaj čyhunki6

Minčuki raźmiatajuć śviežy biarozavik1

Pucin prapanavaŭ uvieści źniešniaje kiravańnie va Ukrainie dla praviadzieńnia vybaraŭ i paabiacaŭ dabić USU20

U milicyi raskazali, jak znajšli zabojcu dvuch čałaviek u Rahačoŭskim rajonie1

305 rubloŭ za cukarnicu, 456 za zavarnik: ceny ŭ anłajn-kramie Śviata-Jelisaviecinskaha manastyra šakujuć19

Apieracyja pa pošuku sałdataŭ ZŠA, što pravalilisia ŭ bałota ŭ Litvie, doŭžyłasia ŭsiu noč2

Hety maleńki źviarok moža raskryć sakret baraćby sa stareńniem6

«Rychtavacca da najhoršaha»: Makron zajaviŭ, što ŭ Paryžy abmiarkoŭvali płany padtrymki Ukrainy biez ZŠA2

Biełarusy vykupili pad Minskam dzieviać učastkaŭ, kab žyć ciesnaj kampanijaj. Adno miesca jašče vakantnaje18

bolš čytanych navin
bolš łajkanych navin

Vylecieła ŭ nieviadomym kirunku śpikierka KR Anžalika Mielnikava30

Vylecieła ŭ nieviadomym kirunku śpikierka KR Anžalika Mielnikava

Hałoŭnaje
Usie naviny →

Zaŭvaha:

 

 

 

 

Zakryć Paviedamić