U Litvie na śpiecvučeńniach źnikli piaciora raźviedčykaŭ. Jany nie viedali pra ich zaviaršeńnie i praciahvali paśpiachova chavacca
U Litvie ŭ čas vučeńniaŭ, što prajšli z 4 pa 6 lutaha, źnikli piaciora vajskoŭcaŭ terminovaj słužby z raźviedvalnaha padraździaleńnia, paviedamlaje Postimees.
Paźniej vyśvietliłasia, što sałdaty prosta nie atrymali paviedamleńnie ab zaviaršeńni vučeńniaŭ i chavalisia ad usich inšych tavaryšaŭ pa słužbie, jakich pasłali na pošuki.
Pres-sakratar Sił abarony Litvy Łajmis Bracikas skazaŭ, što byli razhornuty pošuki, navat pieražyvali, što mahło adbycca niešta niečakanaje. A «źnikłyja» sałdaty navat nie padazravali, što vučeńni ŭžo prajšli. Dumajučy, što aceńvańnie jašče praciahvajecca, jany vyrašyli chavacca ŭ lesie. Jany zmahli paśpiachova schavacca jak ad słužbovych sabak, tak i ad viertalota.
«Jany pierasoŭvalisia ŭ lesie biez kantaktaŭ i zastavalisia niezaŭvažanymi 24 hadziny, — udakładniŭ Bracikas. — Vučeńni vajennych śledčych asablivyja, pakolki ich rychtujuć da nieprykmietnaha vykanańnia zadańniaŭ. Na hety raz jany zmahli pavodzić siabie tak daŭžej, čym było patrebna».
Pres-sakratar adznačyŭ, što navyki vyžyvańnia sałdat byli acenieny na vydatna.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary