У Літве на спецвучэннях зніклі пяцёра разведчыкаў. Яны не ведалі пра іх завяршэнне і працягвалі паспяхова хавацца
У Літве ў час вучэнняў, што прайшлі з 4 па 6 лютага, зніклі пяцёра вайскоўцаў тэрміновай службы з разведвальнага падраздзялення, паведамляе Postimees.
Пазней высветлілася, што салдаты проста не атрымалі паведамленне аб завяршэнні вучэнняў і хаваліся ад усіх іншых таварышаў па службе, якіх паслалі на пошукі.
Прэс-сакратар Сіл абароны Літвы Лайміс Брацікас сказаў, што былі разгорнуты пошукі, нават перажывалі, што магло адбыцца нешта нечаканае. А «зніклыя» салдаты нават не падазравалі, што вучэнні ўжо прайшлі. Думаючы, што ацэньванне яшчэ працягваецца, яны вырашылі хавацца ў лесе. Яны змаглі паспяхова схавацца як ад службовых сабак, так і ад верталёта.
«Яны перасоўваліся ў лесе без кантактаў і заставаліся незаўважанымі 24 гадзіны, — удакладніў Брацікас. — Вучэнні ваенных следчых асаблівыя, паколькі іх рыхтуюць да непрыкметнага выканання заданняў. На гэты раз яны змаглі паводзіць сябе так даўжэй, чым было патрэбна».
Прэс-сакратар адзначыў, што навыкі выжывання салдат былі ацэнены на выдатна.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары