MNS paviedamiła, što ŭ cyharetach, jakija žycharka vioski Babiničy Aršanskaha rajona kupiła ŭ miascovaj kramie, była rtuć. Z-za vysokaj kolkaści paroŭ hetaha mietału ŭ pavietry ŭ žylli pryjšłosia adsialić šmatdzietnuju siamju, ciapier jana ŭ balnicy, paviedamlaje viedamstva.
Padrabiaznaści incydentu paviedamlaŭ Tut.by. Valancina, žycharka vioski Babiničy Aršanskaha rajona, kupiła ŭ miascovaj kramie błok cyharet. Padčas kureńnia jana pieryjadyčna zaŭvažała, što niekatoryja z cyharet patreskvali, a potym zhasali. Siabroŭka Volha prapanavała adnu ź ich razabrać. Unutry žančyny ŭbačyli nievialikija šaryki i vykazali zdahadku, što heta rtuć.
Uviečary 21 lutaha Volha patelefanavała ŭ MNS i paviedamiła pra znachodku. Ratavalniki kanfiskavali cyharety z rtućciu, źmiaściŭšy ich u šklany posud. Supracoŭniki MNS pravieryli i dom Volhi, ale tam było ŭsio ŭ paradku.
U domie Valanciny, jakaja i kupiła błok cyharet, kancentracyja paroŭ rtuci pieravyšała dapuščalnuju normu ŭ 150 razoŭ. Pry hetym sam mietał nie znajšli.
U Valanciny z mužam — šmatdzietnaja siamja: u ich šaściora dziaciej va ŭzroście ad 5 da 19 hadoŭ. Maci ź dziećmi nakiravali dla abśledavańnia ŭ balnicu. A muž žančyny budzie žyć u inšym svaim domie — u susiedstvie.
Kamientary