Daśledčyk MediaIQ: Niedziaržaŭnyja ŚMI ssoŭvali akcenty, byccam ułady sudzili nie za ŭdzieł u niedazvolenaj akcyi, a za pazicyju
Inicyjatyva MediaIQ praciahvaje pravodzić manitorynh biełaruskich miedyjaresursaŭ, šukajučy ŭ ich prajavy manipulacyi. Prajekt realizuje «Pres-Kłab» pry padtrymcy USAID i Mižnarodnaj arhanizacyi PACT.
28 lutaha była apublikavanaja čarhovaja spravazdača pa vynikach studzienia 2020 hoda. Jaje składalnik — Raman Stefanienka.
Daśledčyk akcentavaŭ uvahu na samuju častuju prajavu manipulacyj, jakaja, pa jaho padlikach, sustrakałasia ŭ miedyja (52 razy). Havorka idzie pra aśviatleńnie niedziaržaŭnymi ŚMI (u tym liku i «Našaj Nivaj») šmatlikich sudoŭ nad udzielnikami akcyj u padtrymku niezaležnaści Biełarusi i suprać intehracyi z Rasijaj.
Za dva miesiacy prajšło bolš za 200 sudoŭ, ahulnaja suma štrafaŭ skłała amal $65 tysiač. 13 udzielnikaŭ akcyjaŭ byli asudžanyja ahułam na 375 sutak aryštu.
Pravaabaroncy «Viasny» pierakananyja, što ŭ Biełarusi parušajecca zamacavanaje Kanstytucyjaj prava hramadzian na svabodu mirnych schodaŭ i asacyjacyj. Udzielniki mirnych schodaŭ nie parušali hramadski paradak, praviły darožnaha ruchu i nie ŭjaŭlali pahrozy hramadskaj biaśpiecy, a taksama nie parušali pravy i svabody inšych asobaŭ.
Tym nie mienš daśledčyk Raman Stefanienka miarkuje, što niedziaržaŭnyja ŚMI niekarektna aśviatlali sudy.
«Aśviatlajučy sudy, niedziaržaŭnyja ŚMI akcentavali, što ŭdzielniki pratestaŭ abaraniali dziaržaŭnaść. Pry hetym u bolšaści navin nie zhadvałasia, što akcyi byli niesankcyjanavanymi. U vyniku ŭ tekstach ssoŭvaŭsia akcent, byccam ułady sudzili nie za ŭdzieł u niedazvolenaj akcyi, a za pazicyju», — tłumačyć Raman Stefanienka ŭ spravazdačy MediaIQ.
«Udzielnikaŭ pratestaŭ nazyvali abaroncami niezaležnaści, byccam dziaržava karała pratestujučych za abaronu suvierenitetu», — narakaje jon.
Čytajcie:
«Ci ŭtrymlivaje ese «Niezaležnaść — heta…» łozunhi suprać intehracyi?»: jak sudzili piśmieńnika Uładzimira Arłova
«U mianie nie siaredniaja adukacyja, ja kandydat navuk!» Jak sudzili pasła Piatra Sadoŭskaha
Lavonu Barščeŭskamu ŭ pratakole napisali, što ŭ jaho siaredniaja adukacyja. Spravu adpravili na dapracoŭku FOTY
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj22
Kamientary