Najhoršy etap pandemii karanavirusa ŭ Ńju-Jorku, mahčyma, zzadu, zajaviŭ u paniadziełak hubiernatar štata Ńju-Jork Endru Kuoma, paviedamlaje «Radyjo Svaboda».
Padčas štodzionnaha pres-bryfinhu jon paviedamiŭ, što ŭdałosia «ŭziać pad kantrol raspaŭsiudžvańnie infiekcyi». Miarkujučy pa ŭsim, «horšaje zzadu nas, kali my budziem praciahvać dziejničać razumna», skazaŭ hubiernatar.
U toj čas, jak kolkaść pamierłych u štacie ad COVID-19 pieravysiła 10 tysiač čałaviek, kolkaść śmiarotnych vypadkaŭ pačała źnižacca, kolkaść pacyjentaŭ, špitalizavanych z dyjahnazam COVID-19, taksama pajšła na spad. Hubiernatar ličyć, što amal poŭnaje spynieńnie ekanamičnaj aktyŭnaści, zakryćcio škoł i ŭniviersitetaŭ, karancinnyja miery dapamahli strymać raspaŭsiud karanavirusa.
Adnačasova Endru Kuoma paviedamiŭ pra toje, što jon sumiesna z hubiernatarami šaści susiednich štataŭ rychtuje płan pastupovaha adnaŭleńnia pracy firmaŭ i pradpryjemstvaŭ. Detali płana pakul nieviadomyja, ale jon pačnie ažyćciaŭlacca tolki paśla maštabnaha testavańnia žycharoŭ štataŭ z tym, kab atrymać jasnaje ŭjaŭleńnie ab uzroŭni zaražeńniaŭ. Nie vyklučana, što pieršymi da pracy zmohuć viarnucca pierachvarełyja COVID-19 i tyja, chto atrymali imunitet da hetaj infiekcyi. Ničoha nie havorycca pra toje, kali hety płan pačnie ažyćciaŭlacca.
Štat Ńju-Jork źjaŭlajecca suśvietnym lidaram pa kolkaści zaražeńnia karanavirusam. Pa stanie na 13 krasavika tam 195 tysiač chvorych, 10 tysiač pamierli (u Ispanii 170 tysiač chvorych, u Italii 159 tysiač)
Ciapier čytajuć
Syn Natalli Piatkievič z prydychańniem raskazaŭ, što znajšoŭ pracu ŭ picierskaj firmie13
Kamientary