Knižny kirmaš z «Arena-Sici» častkova pierajechaŭ u «Stalicu»
Pamiatajecie knižny kirmaš na vulicy Janki Kupały kala byłoha budynka «Biełekspa»? U 2017 hodzie paviljony źnieśli pad zabudovu terytoryi arabskim inviestaram. Tady kirmaš padzialiŭsia i pierajechaŭ u roznyja handlovyja centry. Z sakavika 2020 hoda «Śviet knih» pracuje ŭ HC «Stalica», pieradaje TUT.BY.
Paśla pierajezdu z «Biełekspa» ŭ 2017 hodzie knižniki raźmiaścilisia na trecim paviersie «Arena-Sici» i ŭ handlovym centry «Kupałaŭski». Z sakavika kirmaš «Śviet knih» pierajechaŭ u HC «Stalica», jon pracuje ŭ paviljonie 412 na siarednim (druhim) uzroŭni. Ale pierabralisia siudy znoŭ daloka nie ŭsie pradaŭcy knih.
U «Stalicy» pradajuć dziciačuju litaraturu, navučalnuju dla školnikaŭ i dla darosłych, fantastyku, navukovyja apaviadańni, bijahrafičnyja knihi, kanctavary i dziciačyja cacki.
Dyrektar kirmašu «Śviet knih» Dźmitryj Makaraŭ raspaviadaje, što na novym miescy pracujuć jurydyčnyja asoby, jakija naŭprost supracoŭničajuć z vydaviectvami, a nie pradprymalniki, jak raniej.
U «Arena-Sici» zastałosia kala 10 pradprymalnikaŭ. Jany ŭsio roŭna zajmajuć značnuju častku paviercha ŭ handlovym centry. Tut taksama pradajuć dziciačuju litaraturu i ezateryku, non-fikšn, mastackuju, histaryčnuju i vučebnuju litaraturu.
Vychodzić, ciapier stary knižny kirmaš raźbity na try łakacyi: pad brendam «Śviet knih» — u «Stalicy», a ad indyvidualnych pradprymalnikaŭ — u handlovych centrach «Arena-Sici» i ŭ «Kupałaŭskim».
Što ž tyčycca načnoj knižnaj vystavy na Daŭmana, to z-za epidemijałahičnaj situacyi ŭ krainie ŭ krasaviku jana nie pracuje.
Vylecieła ŭ nieviadomym kirunku śpikierka KR Anžalika Mielnikava30
Kamientary