Internat №17 BNTU pierasialajuć, kab vyzvalić miesca dla chvorych na karanavirus
Siarod studentaŭ Biełaruskaha nacyjanalnaha techničnaha ŭniviersiteta, jakija pražyvajuć u internacie №6 BNTU (vuł. Ja. Kołasa, 26), byli zarehistravanyja vypadki infiekcyi COVID-19. Paśla rehistracyi pieršaha vypadku kiraŭnictvam univiersiteta było pryniata rašeńnie ab pieravodzie studentaŭ, jakija pražyvajuć u hetym internacie, na dystancyjnuju formu navučańnia. Uviedziena zabarona na naviedvańnie ŭ internacie.
Jak tłumačać u Ministerstvie achovy zdaroŭja, u dadzienym internacie praz architekturna-płanirovačnymi rašeńni (ahulnyja dušavyja, sanitarnyja vuzły, kuchni) zabiaśpiečyć poŭnuju samaizalacyju nie mahčyma. Kiraŭnictvam univiersiteta, sumiesna z pradstaŭnikami sanepidsłužby, pryniata rašeńnie ab pieravodzie studentaŭ, u jakich paćvierdžana infiekcyja COVID-19 i zachvorvańnie praciakaje ŭ bieśsimptomnaj lohkaj formie, u internat №17. Dadzieny budynak źjaŭlajecca internatam błokavaha typu, i pražyvańnie ŭ im dazvolić zabiaśpiečyć umovy dla samaizalacyi i minimizavać kantakty.
Charčavańnie taksama miarkujecca arhanizavać centralizavana, abiacajuć u viedamstvie.
Vylecieła ŭ nieviadomym kirunku śpikierka KR Anžalika Mielnikava30
Kamientary