Arcybiskup Kandrusievič: Kali zaražany karanavirusam kantaktuje ź inšymi ludźmi, jon parušaje Piatuju zapaviedź — nie zabivaj
Pra heta mitrapalit Minska-Mahiloŭski, arcybiskup Tadevuš Kandrusievič raspavioŭ catholic.by, adkazvajučy na pytańnie pra krytyku ad tych, chto ličyć lubyja zachady dla praduchileńnia infiekcyi «niedavieram da Boha».
«Boh nas abaraniaje ad zła, ale Boh daŭ nam rozum, kab my im racyjanalna karystalisia.
Kali niechta viedaje, što zaražany, to, kantaktujučy ź inšymi, jon parušaje piatuju Božuju zapaviedź — nie zabivaj. Toje samaje možna skazać i pra tych, chto śviadoma i złosna ihnaruje minimalna nieabchodnyja zachady dla praduchileńnia infiekcyi.
Nasamreč, absalutnaja bolšaść našych viernikaŭ narmalna ŭsprymajuć rekamiendacyi svaich pastyraŭ i sanitarnych słužbaŭ. U Biełarusi kampietentnyja słužby nie stali ŭvodzić strohich abmiežavańniaŭ, ale dali vyraznyja rekamiendacyi. Toje samaje zrabili i ijerarchi Katalickaha Kaścioła i Pravasłaŭnaj Carkvy.
My nie admianiajem nabaženstvaŭ, ale zaklikajem ludziej prytrymlivacca ŭstanoŭlenych sanitarnymi słužbami normaŭ. Kožny pavinien adčuvać asabistuju adkaznaść i vykonvać rekamiendacyi śpiecyjalistaŭ, kab źbierahčy zdaroŭje svajo i svaich bližnich», — skazaŭ jon.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara6
Kamientary