Pabudova hazapravoda Litva — Polšča idzie pa płanie, niahledziačy na «karonu». Litva dapuskaje pastaŭku pa im hazu Biełarusi
Ministerstva enierhietyki Litvy paviedamlaje, što pandemija karanavirusa nie zaškodziła budaŭnictvu hazapravoda Polšča — Litva (GIPL), jaki, jak čakajecca, budzie hatovy da kanca 2021 hoda. Śćviardžajecca, što hety hazapravod moža być vykarystany dla pastavak hazu ŭ Biełaruś, piša Biznes Alert.
— Pry spryjalnych umovach GIPL moža vykarystoŭvacca dla pastavak hazu ŭ Polšču i inšyja krainy ES, a paśla realizacyi dadatkovych techničnych rašeńniaŭ mahčymyja taksama pastaŭki va Ukrainu ci Biełaruś, — havorycca ŭ zajavie Ministerstva.
U toj ža čas vydańnie Biznes Alert adznačaje, što dla Biełarusi impartavać haz praz Polšču pa hazapravodzie Jamał na praktycy budzie składana.
Litoŭskaje Ministerstva pryhadała pra mahčymaść biržavoha svopu, jaki dazvalaje virtualna pastaŭlać u Biełaruś zvadkavany haz. Hetaja ździełka padobnaja da tych, što ŭžo adbyvajucca va Ukrainie, dzie pracuje tak zvany virtualny reviers. Adnak dla realizacyi takoha scenaru nieabchodna supracoŭnictva z Rasijaj.
Heta źviazana z tym, što Biełaruś pradała hazapravody rasijskamu «Hazpromu» ŭ 2011 hodzie. Mienavita rasijanie ciapier vałodajuć adhalinavańniami hazapravoda Jamał na biełaruskim učastku, i im pryjdziecca padrychtavać sistemu da virtualnych pastavak abo ŭnieści techničnyja źmieny, nieabchodnyja dla pačatku fizičnych pastavak.
Jak heta ni paradaksalna, adzinaj pieradumovaj, jakaja b pierakanała rasiejcaŭ vykarystoŭvać reviers na polska-biełaruskaj miažy, było b pavieličeńnie pastavak hazu praz Paŭnočny patok — 2 zamiest trubapravoda Jamał.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary