Viktoryja Azaranka – zbornaja Rasii – 3:0

Biełaruska Viktoryja Azaranka abyhrała siońnia ŭviečary ŭ paŭfinale

rasijanku Śviatłanu Kuźniacovu ź likam 6:3, 2:6, 7:5.

Kuźniacova była pasiejana na turniry pad 8-m numaram, Viktoryja — pad 11‑m.

Matč, što doŭžyŭsia 2 hadziny 40 chvilin, byŭ pakazany ŭ žyvym efiry na kanale «Jeŭrasport».

Tempieratura pavietra, pavodle kamientataraŭ, składała +31-33 hradusy.

Darečy, hledačy na trybunach pieražyvali za biełarusku, a kamientatary nie chavali svajho zachapleńnia «nieprabivalnaj Viktoryjaj».

piatnica, 09:30

U finale, što projdzie ŭ subotu, Viktoryja zhulaje ź pieršaj rakietkaj śvietu amierykankaj Sierenaj Uiljams, jakaja ŭ paŭfinale vyjhrała ŭ svajoj siastryčki Vienus - 6:4, 3:6, 6:3.

Viktoryja i Sierena sustrakalisia ŭ studzieni ŭ 1/8 finału Australian Open, ale tady paśla pieršaha setu biełaruska źniałasia z matču z pryčyny niadobraha samaadčuvańnia.

Niezaležna ad vyniku subotniaha matču Viktoryja ŭzdymiecca na vośmy radok rejtynhu WTA.

Žyvaja tranślacyja finału na kanale «Jeŭrasport» u subotu ŭ 19:30.

***

Na šlachu da finału Viktoryja Azaranka vyjhrała ŭ troch pradstaŭničak Rasii (tut nijakaj ksienafobii, rasijski žanočy tenis ciapier najmacniejšy ŭ śviecie),

aproč Kuźniacovaj, Viktoryja ŭ Majami vyjhrała: u 2-m kruzie - u Anastasii Paŭlučenkavaj (6:2, 6:2), u 3-m kruzie - u Anny Čakvietadze (6:1, 6:4).

U 1/8 finału biełaruska pieramahła Ahnieš Savai (Vienhryja) - 6:2, 6:4. U 1/4 finału razhramiła pradstaŭničku Aŭstralii Samantu Stosur – 6:1, 6:0.

Ad pačatku hodu 19-hadovaja Viktoryja Azaranka zdabyła dźvie pieramohi ŭ indyvidualnym razradzie: u studzieni ŭ aŭstralijskim Bryśbienie, a ŭ lutym – u Memfisie (Teniesi, ZŠA).

Darečy, u Memfisie biełaruskaja zorka pieramahła taksama i ŭ parnym razradzie.

nn.by

***

Vyjšli ŭ finał parnaha razradu Maksim Mirny (Biełaruś) i Endzi Ram (Izrail), atrymaŭšy ŭ paŭfinale pieramohu nad u aŭstryjcaŭ Džulijana Noŭła i Jurhiena Mielcera — 4:6, 7:6 (10:8), 10:6.

Mirny i Ram vyciahnuli praktyčna prajhrany matč. Na taj-brejku ŭ druhim secie jany ŭstupali 2:6, ale zdoleli adyhrać čatyry set-pojnty i vyjści napierad — 7:6. Zatym sapierniki mieli jašče adzin set-pojnt, vyjhraŭšy dźvie svaje padačy, ale biełarus i izrailcianin byli macniejšymi ŭ troch nastupnych rozyhryšach.

U vyrašalnym pajadynku M.Mirny i E.Ram sustrenucca z aŭstralijcami Ešli Fišeram (43) i Styvienam Chasam (48).

M.Mirny trojčy vyjhravaŭ hetyja spabornictvy (u 2003 hodzie sa šviejcarcam Raže Fiedereram, u 2005 i 2006 hadach — sa šviedam Jonasam Bjorkmanam), paviedamlaje BiełaPAN.

• 0
• 0
• 0
• 0
• 0
• 0
• 0
• 0