Pra heta Ivan Vabiščevič (Dziadzia Vania) napisaŭ u svaim instahramie:
«Vybar ci Vybary? Ciapier pra toje, što mnie padabajecca i čym ja hanarusia!
Ja hanarusia ludźmi, jakija ŭśviadomili, što my nie «narodziec», a narod!!! Ja hanarusia ludźmi, jakija pierastali i pierastajuć bajacca!!! Mienavita hety čas dakazaŭ, što Ludziej ź vialikaj litary značna bolš, čym nieludziaŭ.
Ja hanarusia tymi, chto, niahledziačy na pieraškody i składanaści karmiŭ, dapamahaŭ i praciahvaje dapamahać miedykam.
Hanarusia miedykami, jakija, niahledziačy na ŭsie ciažkaści i «ŭmoŭnuju» padtrymku dziaržavy, praciahvajuć lačyć, ratavać ludziej i nie škadavać siabie.
Hanarusia tymi, chto nie pabajaŭsia skazać «nie» navat pry pahrozie zvalnieńnia. Akazałasia, što ŭsich nielha zvolnić abo pasadzić.
Hanarusia tym, što mnohija ŭžo zrabili svoj vybar.
Hanarusia tym, što źjaŭlajecca ŭsio bolš ludziej, jakija pačali dumać i zadumalisia. Ludziej, jakija stali sumlennymi pierad saboj!!!
Voś heta ja nazyvaju sumlennaściu! Kali razumieješ, što pa-inšamu nie možaš.
Ciapier ja pačynaju vieryć u sumlennaść Ludziej!!! Kali kožny budzie sumlenny pierad saboj, tady ŭsio atrymajecca!
Ja pajdu na vybary. Ja prahałasuju tak, jak liču patrebnym, sumlenna. I ja vieru, što kožny tak zrobić. Voś tut abyjakavaść sapraŭdy nielha dapuścić.
I ja vieru, što va ŭsich, chto budzie źbirać, ličyć i abjaŭlać vyniki, taksama ŭklučyli sumlennaść! Chacia b nienadoŭha. Heta toj vypadak, kali ŭsio zaležyć ad KOŽNAHA z nas!
Karcinka namalavałasia idealnaja… Ale ja vieru, što my razam možam da jaje nablizicca. I tady sapraŭdy ŭsio budzie pa-sumlennamu!
A što z nahody spraŭ apošnich dzion i dziejańniaŭ uładaŭ… Pa-mojmu, heta strach. A toj, chto baicca, nie moža vieści za saboj Ludziej. Strach zaraźlivy. Ja navat nie budu ŭdavacca ŭ padrabiaznaści, chto baicca bolš — toj, chto vyšej, abo toj, chto nižej… Heta ŭžo nie važna.
Pieramieny patrebnyja!!! Tolki davajcie pamiatać pra ćviarozy, chałodny rozum i sumlennaść pierad saboj!!!
Kamientary