Пра гэта Іван Вабішчэвіч (Дзядзя Ваня) напісаў у сваім інстаграме:
«Выбар ці Выбары? Цяпер пра тое, што мне падабаецца і чым я ганаруся!
Я ганаруся людзьмі, якія ўсвядомілі, што мы не «народзец», а народ!!! Я ганаруся людзьмі, якія перасталі і перастаюць баяцца!!! Менавіта гэты час даказаў, што Людзей з вялікай літары значна больш, чым нелюдзяў.
Я ганаруся тымі, хто, нягледзячы на перашкоды і складанасці карміў, дапамагаў і працягвае дапамагаць медыкам.
Ганаруся медыкамі, якія, нягледзячы на ўсе цяжкасці і «ўмоўную» падтрымку дзяржавы, працягваюць лячыць, ратаваць людзей і не шкадаваць сябе.
Ганаруся тымі, хто не пабаяўся сказаць «не» нават пры пагрозе звальнення. Аказалася, што ўсіх нельга звольніць або пасадзіць.
Ганаруся тым, што многія ўжо зрабілі свой выбар.
Ганаруся тым, што з'яўляецца ўсё больш людзей, якія пачалі думаць і задумаліся. Людзей, якія сталі сумленнымі перад сабой!!!
Вось гэта я называю сумленнасцю! Калі разумееш, што па-іншаму не можаш.
Цяпер я пачынаю верыць у сумленнасць Людзей!!! Калі кожны будзе сумленны перад сабой, тады ўсё атрымаецца!
Я пайду на выбары. Я прагаласую так, як лічу патрэбным, сумленна. І я веру, што кожны так зробіць. Вось тут абыякавасць сапраўды нельга дапусціць.
І я веру, што ва ўсіх, хто будзе збіраць, лічыць і аб'яўляць вынікі, таксама ўключылі сумленнасць! Хаця б ненадоўга. Гэта той выпадак, калі ўсё залежыць ад КОЖНАГА з нас!
Карцінка намалявалася ідэальная… Але я веру, што мы разам можам да яе наблізіцца. І тады сапраўды ўсё будзе па-сумленнаму!
А што з нагоды спраў апошніх дзён і дзеянняў уладаў… Па-мойму, гэта страх. А той, хто баіцца, не можа весці за сабой Людзей. Страх заразлівы. Я нават не буду ўдавацца ў падрабязнасці, хто баіцца больш — той, хто вышэй, або той, хто ніжэй… Гэта ўжо не важна.
Перамены патрэбныя!!! Толькі давайце памятаць пра цвярозы, халодны розум і сумленнасць перад сабой!!!
Цяпер чытаюць
Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША3
Каментары