Na sajcie «Minskvodakanała» źjaviłasia papiaredžańnie, što ŭ Frunzienskim i Maskoŭskim rajonach vadu z-pad krana pić nielha, piša Tut.by.
— UP «Minskvodakanał» infarmuje, što na padstavie patrabavańni sanitarnych słužbaŭ vykarystańnie vady dla pitnych patreb u Frunzienskim i Maskoŭskim rajonach zabaroniena. Pra mahčymaść vykarystańnia vady dla pitnych metaŭ budzie paviedamlena dadatkova.
Pradpryjemstva paviedamlaje, što vykarystoŭvać hetuju vadu možna tolki dla haspadarča-bytavych patreb.
Raniej u efiry telekanała «Biełaruś 1» načalnik vytvorčaści «Minskvodapravod» Anton Hałaskok kazaŭ, što vada, jakaja zaraz padajecca spažyŭcam, całkam adpaviadaje ŭsim narmatyvam. Prysutničaje tolki pach.
Nahadajem, u roznyja punkty Frunzienskaha i Maskoŭskaha rajonaŭ arhanizavany padvoz vady ŭ cysternach.
Voś miescy stajanak:
skryžavańnie vulic Sucharaŭskaj i Łabanka;
skryžavańnie vulicy Rafijeva i praśpiekta Lubimava;
skryžavańnie vulic Rafijeva i Jasienina;
skryžavańnie Kazimiraŭskaj i Niomanskaj;
skryžavańnie Šaranhoviča - Jankoŭskaha;
skryžavańnie Sucharaŭskaj — Skrypnikava;
skryžavańnie vulicy Adzincova i zavułka Adzincova;
skryžavańnie Kazimiraŭskaja — Kuncaŭščyna;
skryžavańnie Matusieviča — Aładavych;
skryžavańnie Šaranhoviča — Łabanka;
Jakuboŭskaha, 19;
Burdziejnaha, 25;
Prytyckaha, 136;
Laščynskaha, 7;
Rafijeva, 109;
Rafijeva, 85;
Jasienina, 131;
Lubimava, 39;
Lubimava, 20;
praśpiekt Haziety «Źviazda», 17;
vulica Šaranhoviča, 74;
vulica Šaranhoviča, 66;
vulica Čajłytki, 11;
vulica Skrypnikava, 24.
Taksama ŭ Frunzienskim rajonie pracujuć 3 pitnyja fantančyki z artezijanskaj vadoj — na vulicach Hareckaha, Laščynskaha i ŭ parku 60-hodździa Kastryčnika. Siońnia ich nie buduć adklučać na noč, kab žychary mahli papoŭnić zapasy pitnoj vady ŭ luby čas. Zaŭvaha: fantany zabiaśpiečvajucca z padziemnych krynic.
Kamientary