Pryčyny časovaha spynieńnia vytvorčaści nie nazyvajucca.
13 krasavika da 20 maja prypyniła pracu pieršaja abahačalnaja fabryka RUP «VA «Biełaruśkalij».
U pryjomnaj «Biełaruśkalija» BiełaPAN paćvierdzili, što vyjšaŭ adpaviedny zahad kiraŭnictva, adnak pryčyny časovaha spynieńnia vytvorčaści nie nazvali.
Namieśnik dyrektara pa vytvorčaści «Biełaruśkalija» Mikałaj Dakuka admoviŭsia kamientavać lubuju infarmacyju, jakaja tyčycca pracy pradpryjemstva i jaho padraździaleńniaŭ.
Supracoŭnik abahačalnaj fabryki, jaki admoviŭsia siabie nazvać, paviedamiŭ,
što vytvorčaja dziejnaść prypyniena ŭ suviazi z ramontam.
Miž tym niekatoryja interniet‑resursy siońnia raźmiaścili infarmacyju ab tym, što praca pieršaj abahačalnaj fabryki «Biełaruśkalija» prypyniena ŭ suviazi ź ciažkaj situacyjaj na pradpryjemstvie. Pavodle ich infarmacyi, «suśvietny kryzis rezka źniziŭ zapatrabavanaść biełaruskaj kalijnaj soli na suśvietnym rynku», «na salihorskich rudnikach i abahačalnych fabrykach masa ludziej užo pabyvali ŭ niapłanavych adpačynkach i adsiedzieli doma na 2/3 taryfu».
***
U skład VA «Biełaruśkalij» uvachodziać čatyry rudaŭpraŭleńni, a taksama dapamožnyja i absłuhoŭvajučyja padraździaleńni. Kožnaje rudaŭpraŭleńnie maje rudnik dla padziemnaj zdabyčy kalijnaj rudy i abahačalnuju fabryku dla jaje pierapracoŭki i vypusku minieralnych kalijnych uhnajeńniaŭ u formie drobnaziarnistaha, drobnakryštaličnaha i hranulavanaha kancentratu chłorystaha kaliju.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary