Advakaty Viktara Babaryki Dźmitryj Łajeŭski i Natalla Mackievič pa prośbie TUT.BY raspaviali pra adkaz Viktara Babaryki na siužety «Biełaruś 1» pra spravu Biełhazprambanka i słovy Łukašenki pra toje, što Babaryka «zarydaŭ, kali nie zarehistravali, i pačaŭ pakazańni davać».
Napiaredadni na «Biełaruś 1» vyjšaŭ siužet, u jakim Alaksandr Łukašenka zajaviŭ, što tak zvanaja sprava Biełhazprambanka — «nie palityčny zakaz» i što ŭsie, chto pa joj prachodzić, «dajuć pakazańni».
— Ale złodziej pavinien siadzieć u turmie, da ŭsich pavinna być adnolkavaje staŭleńnie. I jašče raz chaču padkreślić toje, što ja skazaŭ na Viciebščynie — u Połackim rajonie, u Połacku — i zaraz paŭtaru: viaźniem sumleńnia ź ich nichto nie stanie — usie hetyja siadzielcy, a ich tam užo pad 30 čałaviek. Usie dajuć pakazańni. I hety ŭžo zarydaŭ, kali nie zarehistravali, i pačaŭ davać pakazańni. Tamu viaźniem sumleńnia nie budzie. I ŭčora ja zahadaŭ śledčym i Kamitetu dziaržbiaśpieki ŭ prakuraturu padrychtavać usie materyjały dla taho, kab siudy prybyli śpiecyjalisty Interpała, ZŠA, Polščy i Rasii, my im pakažam hetyja dakumienty. Łukašenka kahości baicca ci tam sapraŭdy kryminalnaje złačynstva. Tamu my adkrytyja, - zajaviŭ Łukašenka.
TUT.BY paprasiŭ advakataŭ Viktara Babaryku prakamientavać hetuju infarmacyju. Natalla Mackievič i Dźmitryj Łajeŭski paviedamili, što paśla pasiadžeńnia CVK, dzie było vyrašana nie rehistravać Babaryku kandydatam u prezidenty, dopyty abo inšyja śledčyja dziejańni z Babarykam nie pravodzilisia.
— Jak Viktar Babaryka adreahavaŭ na repartaž biełaruskaha telebačańnia, u jakim cytavalisia słovy Alaksandra Łukašenki, što Babaryka «zarydaŭ» i «pačaŭ davać pakazańni»?
— Siońnia my naviedvali Viktara Dźmitryjeviča, abmiarkoŭvali hetaje pytańnie. Viktar Dźmitryjevič vyrašyŭ nakiravać u Biełteleradyjokampaniju na padstavie Zakona «ab ŚMI» patrabavańnie ab abviaržeńni hetych źviestak i asobnych śćviardžeńniaŭ z repartažu «sprava «Biełhazprambanka»: kudy ciakli dalaravyja reki, bo jany «nie adpaviadajuć rečaisnaści i źnievažajuć jaho honar i hodnaść. Heta patrabavańnie jon padpisaŭ pry nas i pieradaŭ administracyi SIZA dla nakiravańnia pa adrasie», — adkazali advakaty.
Kamientary