Адвакаты Віктара Бабарыкі Дзмітрый Лаеўскі і Наталля Мацкевіч па просьбе TUT.BY распавялі пра адказ Віктара Бабарыкі на сюжэты «Беларусь 1» пра справу Белгазпрамбанка і словы Лукашэнкі пра тое, што Бабарыка «зарыдаў, калі не зарэгістравалі, і пачаў паказанні даваць».
Напярэдадні на «Беларусь 1» выйшаў сюжэт, у якім Аляксандр Лукашэнка заявіў, што так званая справа Белгазпрамбанка — «не палітычны заказ» і што ўсе, хто па ёй праходзіць, «даюць паказанні».
— Але злодзей павінен сядзець у турме, да ўсіх павінна быць аднолькавае стаўленне. І яшчэ раз хачу падкрэсліць тое, што я сказаў на Віцебшчыне — у Полацкім раёне, у Полацку — і зараз паўтару: вязнем сумлення з іх ніхто не стане — усе гэтыя сядзельцы, а іх там ужо пад 30 чалавек. Усе даюць паказанні. І гэты ўжо зарыдаў, калі не зарэгістравалі, і пачаў даваць паказанні. Таму вязнем сумлення не будзе. І ўчора я загадаў следчым і Камітэту дзяржбяспекі ў пракуратуру падрыхтаваць усе матэрыялы для таго, каб сюды прыбылі спецыялісты Інтэрпала, ЗША, Польшчы і Расіі, мы ім пакажам гэтыя дакументы. Лукашэнка кагосьці баіцца ці там сапраўды крымінальнае злачынства. Таму мы адкрытыя, - заявіў Лукашэнка.
TUT.BY папрасіў адвакатаў Віктара Бабарыку пракаментаваць гэтую інфармацыю. Наталля Мацкевіч і Дзмітрый Лаеўскі паведамілі, што пасля пасяджэння ЦВК, дзе было вырашана не рэгістраваць Бабарыку кандыдатам у прэзідэнты, допыты або іншыя следчыя дзеянні з Бабарыкам не праводзіліся.
— Як Віктар Бабарыка адрэагаваў на рэпартаж беларускага тэлебачання, у якім цытаваліся словы Аляксандра Лукашэнкі, што Бабарыка «зарыдаў» і «пачаў даваць паказанні»?
— Сёння мы наведвалі Віктара Дзмітрыевіча, абмяркоўвалі гэтае пытанне. Віктар Дзмітрыевіч вырашыў накіраваць у Белтэлерадыёкампанію на падставе Закона «аб СМІ» патрабаванне аб абвяржэнні гэтых звестак і асобных сцвярджэнняў з рэпартажу «справа «Белгазпрамбанка»: куды цяклі даляравыя рэкі, бо яны «не адпавядаюць рэчаіснасці і зневажаюць яго гонар і годнасць. Гэта патрабаванне ён падпісаў пры нас і перадаў адміністрацыі СІЗА для накіравання па адрасе», — адказалі адвакаты.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца13
Каментары