Harvykankam vystaŭlaje na aŭkcyjon ziamielny ŭčastak, jaki achoplivaje žyłyja kvartały, utvoranyja vulicami Bahdanoviča-Kisialova-Kujbyšava-Kamunistyčnaj. Učastak vyzvalać ad 1-2 paviarchovych budynkaŭ pad šmatpaviarchovuju zabudovu.
Harvykankam vystaŭlaje na aŭkcyjon ziamielny ŭčastak, jaki achoplivaje žyłyja kvartały, utvoranyja vulicami Bahdanoviča-Kisialova-Kujbyšava-Kamunistyčnaj. Učastak vyzvalać ad 1-2 paviarchovych budynkaŭ pad šmatpaviarchovuju zabudovu.
Pra aŭkcyjon, jaki adbudziecca 25 krasavika, paviedamlajecca na sajcie Dziaržkamitetu pa majomaści. Płošča ziamielnaha ŭčastka, jaki zhodna rašeńnia Minharvykankamu № 1481 ad 20.06.2008 h. vystaviać na tarhi, składaje 7,8 ha, pačatkovaja cana — $2 379 500. Kvartały, utvoranyja vulicami Bahdanoviča-Kisialova-Kujbyšava-Kamunistyčnaj, buduć vyzvalenyja ad 1-2 paviarchovych budynkaŭ pad šmatpaviarchovuju zabudovu.
Aŭtarami prajektu zabudovy hetych kvartałaŭ byli architektary M.Asmołoŭski, M.Ručko, kansultavaŭ ich prafiesar I.Sobaleŭ. Na praciahu 1945—1947 hh. tut paŭstali 44 vaśmikvaternyja damy, ahulnaj žyłoj płoščaj 12 tys. kvadratnych mietraŭ.
Hetyja kvartały nazyvajuć chto «hienieralskimi», bo sialilisia tam siemji vyšejšaha kamandnaha składu Biełaruskaj vajskovaj akruhi, a śpiecyjalisty «Asmałovičami» — u honar architektara Michaiła Asmałoŭskaha. Jak piša časopis «Architektura i budaŭnictva»,
jany ŭjaŭlajuć saboj prykład etałonnaha spałučeńnia architektury kvartalnaj zabudovy, volnaj płaniroŭki i typavoha domabudaŭnictva. Pa šerahu charaktarystyk i ŭzrostavych kryterach kvartały hetyja mohuć pretendavać na ŭklučeńnie ŭ śpis historyka-kulturnaj spadčyny.Na siońnia tam žyvie kala 890 čałaviek.
Bolš čym dziesiać hadoŭ los pavajennych kvartałaŭ vahaŭsia pamiž rekanstrukcyjaj i znosam pad sučasnuju zabudovu. Kolki hod tamu aŭtarski kalektyŭ «Minskhramadzianprajektu» pradstaviŭ na konkurs «Histaryčny centr Minska» prajekt, jaki praduhledžvaŭ zachavańnie histaryčnaha pierymietru 2-paviarchovych budynkaŭ z mansardami. U centry kvartału mierkavałasia zbudavać šmatfunkcyjanalny kompleks z handlova-zabaŭlalnym centram i padziemnymi parkinhami.
Prajekt rekanstrukcyi kvartałaŭ, pradstaŭleny instytutam «Minskhrada», praduhledžvaje znos dvuchpaviarchovaj zabudovy i budaŭnictva na vyzvalenym miescy dvuch 9-11 paviarchovych damoŭ, kudy płanavałasia zasialić žycharoŭ kvartału, a taksama 7-paviarchovych žyłych kompleksaŭ elit-kłasu, dva dziciačyja sadki. Ahulnaja kolkaść žycharstva adbudavanaha kvartału ŭ takim vypadku pavinna była skłaści 2,8 tysiačy čałaviek.
Nieabchodnaść znosu małapaviarchovaj zabudovy tłumačycca znošanaściu budynkaŭ. Jość mierkavańnie, što rekanstrukcyja ich z metaj zachavańnia pieršapačatkovaha vyhladu, budzie kaštavać značna daražej za znos i nastupnuju zabudovu.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca8
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary