Zatrymany palittechnołah Šklaraŭ zastajecca pad vartaj. Vyjaviłasia, što jon maje amierykanski dyppašpart
Zatrymanamu 29 lipienia ŭ Homieli palittechnołahu Vitalu Šklaravu ŭ piatnicu abrali mieru strymańnia, jon zastajecca pad vartaj terminam na dva miesiacy. Abvinavačvańnie jamu nie vystaŭlena — na heta ŭ śledstva jość dziesiać dzion. Pra heta paviedamiŭ Tut.by jahony advakat Anton Hašynski.
Kryminalnaj spravy ŭ dačynieńni da Šklarava niama — jon prachodzić padazravanym pa spravie ŭ dačynieńni da Siarhieja Cichanoŭskaha (jon abvinavačvajecca pa čatyroch artykułach, u tym liku art. 342 č. 1 — «Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich»). Pieršapačatkova Šklarava zatrymali na 72 hadziny pa art. 108 KPK.
Advakat Šklarava zajaviŭ, što abskardzić zatrymańnie padabaronnaha ŭ sudzie.
— Siamja Vitala vielmi pieražyvaje i spadziajecca na toje, što hetaja pamyłka budzie vypraŭlenaja ŭ najbližejšy čas, — adznačyŭ Hašynski.
Žonka Šklarava — hramadzianka ZŠA, jana pracuje ŭ pasolstvie ŭ Kijevie. Pa słovach krynicy, znajomaj ź situacyjaj, u Šklarava ŭ suviazi z hetym jość amierykanski dyppašpart. Takim čynam, ciapier da vyśviatleńnia abstavinaŭ i pryčyn jaho zatrymańnia padklučajucca i dypłamatyčnyja koły.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary