Rasijski ŭłaśnik abjadnaŭ «Broli» i «AlVieNu» ŭ «Biełrosstrach»

Mižnarodnaja Hrupa RIESO abjadnała aktyvy biełaruskich strachavych kampanij «Broli» i «AlVieNa» šlacham ich źlićcia.

Ździełka adbyłasia pry finansavaj padtrymcy Hrupy RIESO, jakaja źjaŭlajecca asnoŭnym uładalnikam novaj kampanii — ZAT «Biełrosstrach». Pra heta paviedamiŭ 21 krasavika na pres‑kanfierencyi ŭ Minsku staršynia savieta dyrektaraŭ kampanii «RIESO‑Harantyja», staršynia savieta dyrektaraŭ Hrupy RIESO Siarhiej Sarkisaŭ.

«My abjadnali dźvie kampanii, kab aptymizavać pracesy, stvaryć macniejšuju kampaniju. My razumiejem, što vychodzić z novym brendam na rynak u pieryjad kryzisu składana,

U svaju čarhu, hienieralny dyrektar «Biełrosstrachu» Siarhiej Kavaloŭ padkreśliŭ, što havorka idzie nie pra prostyja aryfmietyčnaja sumy aktyvaŭ. «My havorym ab źlićci pryjarytetaŭ, nazapašanych kampanijami «Broli» i «AlVieNa» za hady samastojnaha raźvićcia, ab sinierhii dźviuch kadravych škoł, dźviuch markietynhavych stratehij, jakija ŭžo dakazali svaju kamiercyjnuju płaciežazdolnaść. Sukupnaja dynamika rostu zboraŭ hetych kampanij u 2008 hodzie skłała 150,6% (pry siaredniarynačnym tempie 140,6%). U nacyjanalnym rejtynhavym śpisie pryvatnych strachavalnikaŭ «Broli» zaviaršyła hod na druhim radku, «AlVieNa» — na trecim», — zaznačyŭ kiraŭnik «Biełrasstrachu».

Pavodle jaho słoŭ, «Biełrosstrach» maje namier tryvała zamacavacca ŭ pieršaj trojcy ajčynnych strachavych arhanizacyj — da 2013 hoda kampanija płanuje davieści svaju ŭdzielnuju vahu na nacyjanalnym rynku dobraachvotnych vidaŭ strachavańnia da 17,5%.

Siońnia sukupnyja aktyvy «Biełrosstrachu» składajuć bolš za 36,5 młrd. rubloŭ,

«Ciapier my farmirujem i adtočvajem asnoŭnyja schiemy pracy novaj kampanii, — patłumačyŭ S.Kavaloŭ. — Heta struktura ŭ najbližejšy čas pavinna budzie pryniać na ŭzbrajeńnie pierśpiektyŭnyja strachavyja technałohii, jak pieradadzienyja nam rasijanami, tak i stvoranyja na asnovie najlepšych raspracovak dźviuch biełaruskich kampanij. Rezka ŭzraście jakaść klijenckaha servisu. U pryvatnaści, u śfiery ŭrehulavańnia strat budzie ŭkaraniony pryncyp «adno akno», terminy vypłat skarociacca da piaci dzion, pracedura ŭrehulavańnia pretenzij stanie bolš prazrystaj i zrazumiełaj dla strachavalnika».

Najvažniejšym faktaram ustojlivaści «Biełrosstrachu» zastajecca patranat z boku rasijskaj strachavoj kampanii «RIESO‑Harantyja». Pa vynikach 2008 hoda jana zachavała svaje pazicyi i pa‑raniejšamu zastajecca ŭ trojcy lideraŭ rasijskaha strachavoha rynku, sabraŭšy bolš za 1 młrd. dalaraŭ strachavoj premii.

BiełaPAN

• 0
• 0
• 0
• 0
• 0
• 0
• 0
• 0