Pra heta paviedamiŭ 22 krasavika na plenarnym pasiadžeńni kanhresa pa technałohijach infarmacyjnaha hramadstva pieršy namieśnik ministra suviazi i infarmatyzacyi Ivan Rak.
Takija źviestki padrychtavany Biełstatam, kudy padajuć infarmacyju pra svaju dziejnaść biełaruskija interniet‑apieratary. Ciapier u krainie dziejničajuć kala 180 apierataraŭ elektrasuviazi, jakija akazvajuć pasłuhi dostupu ŭ suśvietnuju sietku.
Pavodle statystyki, kolkaść karystalnikaŭ šyrokapałosnaha dostupu ŭ interniet u Biełarusi składaje kala 470 tys.Pry hetym značnaja častka karystalnikaŭ chutkasnaha internieta źjaŭlajecca abanientami RUP «Biełtelekam», jaki zabiaśpiečvaje dostup pad brendam byfly. Ciapier nacyjanalny apieratar elektrasuviazi akazvaje hetuju pasłuhu dla 250 tys. abanientaŭ.
I.Rak taksama paviedamiŭ, što Minsuviazi sumiesna z Nacyjanalnaj akademijaj navuk raspracavała kanceptualny dakumient pad nazvaj «Stratehija raźvićcia infarmacyjnaha hramadstva Respubliki Biełaruś da 2015 hoda». U joj vyznačajucca mety i asnoŭnyja zadačy, pryncypy i pryjarytetnyja kirunki raźvićcia infarmacyjnaha hramadstva. Adnoj z najvažniejšych zadač źjaŭlajecca raźvićcio infrastruktury, što zabiaśpiečvaje ŭsio bolšyja infarmacyjnyja patreby hramadzian, biźniesu i dziaržavy.
U svaju čarhu, namieśnik hienieralnaha dyrektara Abjadnanaha instytuta prablem infarmatyki NANB Uładzimir Aniščanka raskazaŭ, što ŭ vyniku realizacyi stratehii čakajecca pavieličeńnie partoŭ šyrokapałosnaha dostupu z 1,4 młn. da 4 młn. u 2015 hodzie, mabilny dostup u interniet uzraście z 1,6 młn. da 7,2 młn.
Miarkujecca taksama, što da 2015 hoda kolkaść jurydyčnych asobaŭ, jakija vykarystoŭvajuć u svajoj pracy elektronny ličbavy podpis, składzie nie mienš jak 40%, ciapier — 10‑15%. Aprača hetaha, da zhadanaha terminu ŭsie navučalnyja ŭstanovy krainy pavinny być padklučanyja da šyrokapałosnaha internieta.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB9
Kamientary