Пра гэта паведаміў 22 красавіка на пленарным пасяджэнні кангрэса па тэхналогіях інфармацыйнага грамадства першы намеснік міністра сувязі і інфарматызацыі Іван Рак.
Такія звесткі падрыхтаваны Белстатам, куды падаюць інфармацыю пра сваю дзейнасць беларускія інтэрнет‑аператары. Цяпер у краіне дзейнічаюць каля 180 аператараў электрасувязі, якія аказваюць паслугі доступу ў сусветную сетку.
Паводле статыстыкі, колькасць карыстальнікаў шырокапалоснага доступу ў інтэрнет у Беларусі складае каля 470 тыс.Пры гэтым значная частка карыстальнікаў хуткаснага інтэрнета з’яўляецца абанентамі РУП «Белтэлекам», які забяспечвае доступ пад брэндам byfly. Цяпер нацыянальны аператар электрасувязі аказвае гэтую паслугу для 250 тыс. абанентаў.
І.Рак таксама паведаміў, што Мінсувязі сумесна з Нацыянальнай акадэміяй навук распрацавала канцэптуальны дакумент пад назвай «Стратэгія развіцця інфармацыйнага грамадства Рэспублікі Беларусь да 2015 года». У ёй вызначаюцца мэты і асноўныя задачы, прынцыпы і прыярытэтныя кірункі развіцця інфармацыйнага грамадства. Адной з найважнейшых задач з’яўляецца развіццё інфраструктуры, што забяспечвае ўсё большыя інфармацыйныя патрэбы грамадзян, бізнесу і дзяржавы.
У сваю чаргу, намеснік генеральнага дырэктара Аб’яднанага інстытута праблем інфарматыкі НАНБ Уладзімір Анішчанка расказаў, што ў выніку рэалізацыі стратэгіі чакаецца павелічэнне партоў шырокапалоснага доступу з 1,4 млн. да 4 млн. у 2015 годзе, мабільны доступ у інтэрнет узрасце з 1,6 млн. да 7,2 млн.
Мяркуецца таксама, што да 2015 года колькасць юрыдычных асобаў, якія выкарыстоўваюць у сваёй працы электронны лічбавы подпіс, складзе не менш як 40%, цяпер — 10‑15%. Апрача гэтага, да згаданага тэрміну ўсе навучальныя ўстановы краіны павінны быць падключаныя да шырокапалоснага інтэрнета.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары