MVF rezka pahoršyŭ prahnoz nakont stanu ekanomiki Biełarusi ŭ 2009 hodzie

MVF rezka pahoršyŭ prahnoz nakont stanu ekanomiki Biełarusi ŭ 2009 hodzie. Zhodna z nadrukavanym ahladam suśvietnaj ekanomiki, sioleta Biełaruś čakaje recesija i padzieńnie VUP na ŭzroŭni 4,3%.

U 2010 h. rost ekanomiki, na dumku MVF, adnovicca, adnak budzie vielmi niaznačnym — na uzroŭni 1,6%.

Jašče čatyry miesiacy tamu MVF i ŭłady Biełarusi padpisali miemarandum, u jakim pahadzilisia z bolš aptymistyčnym prahnozam — u 2009 h prahnazavaŭsia rost VUP na ŭzroŭni 1,4%, u 2010 — 2,3%.

Skarektavanaja acenka MVF, jakaja nie abiacaje ničoha dobraha, pradkazvaje recesiju i padzieńnie VUP na 4,3%, kantrastuje ź niadaŭnimi, poŭnymi nadziej i aptymizmu, zajavami biełaruskich vysokapastaŭlenych čynoŭnikaŭ,

što ŭžo ŭ druhim kvartale hetaha hodu situacyja palepšycca nastolki, što pa kaniec hodu možna budzie realna kazać pra vykanańnie dakryzisnych prahnoznych pakazčykaŭ, jakija praduhledžvajuć rost VUP na ŭzroŭni 10‑12%.

Pryblizna 29 krasavika ŭ Minsk pryjaždžaje čarhovaja misija MVF, jakaja zasłuchaje spravazdaču ab praroblenaj pracy za pieršy kvartał. Na asnovie hetaj spravazdačy budzie pryniataje rašeńnie ab vydzialeńni Biełarusi druhoha tranša kredytu stand‑by u pamiery 400 młn. dalaraŭ ZŠA.

Vidavočna, što zaŭvahaŭ u MVF budzie bolš čym dastatkova i pieramovy buduć niaprostymi.

Niesumnienna, siońniašniaja publikacyja MVF chałodnym dušam aćvierazić mnohich biełaruskich čynoŭnikaŭ, u jakich zastałosia krychu mienš za tydzień, kab padrychtavacca maralna da čarhovaha dvuboju.

A rychtavacca jość da čaho. Abnoŭlenaja acenka MVF najchutčej hruntujecca na źviestak raboty biełaruskaj ekanomiki ŭ studzieni‑lutym.

Jak by nie malilisia biełaruskija čynoŭniki, druhi kvartał kraina skončyć značna horaj. Pra treci kvartał navat dumać nie chočacca.

Možna tolki zdahadvacca, jaki ŭ hetym vypadku padzieńnie VUP RB pa vynikach 2009 h sprahnazuje MVF. Ale MVF nie abiacaje ničoha pryjemnaha i našym asnoŭnym handlovym partnioram.

U cełym źnižeńnie ekanomik krain SND, zhodna z prahnozam MVF, u 2009 h składzie 5,1%, u 2010 h SND čakaje rost na 1,2%. Pry hetym źnižeńnie VUP Ukrainy ŭ 2009 h prahnazujecca na ŭzroŭni 8% pry roście na 1% u 2010. Skaračeńnie ekanomiki Kazachstanu ŭ 2009 h prahnazujecca na ŭzroŭni 2% pry roście ŭ 1,5% u 2010 hodzie. Spad VUP Rasii pa vynikach hetaha hodu składzie 6% pry roście 0,5% u 2010 hodzie.

I mienavita pieravažna ŭ hetyja krainy sychodzić niesyravinny biełaruski ekspart. Prahnoz MVF śviedčyć pra toje, što było b naiŭnym čakać adnaŭleńnia popytu na hetych rynkach.

afn.by

• 0
• 0
• 0
• 0
• 0
• 0
• 0
• 0