Što zrazumieła pra śmierć 28-hadovaha Mikity Kryŭcova na hety momant
— Mikita Kryŭcoŭ źnik 12 žniŭnia. Jon pryjechaŭ z Žodzina ŭ Minsk i pierastaŭ vychodzić na suviaź.
— Pakolki ŭ hetyja dni prapadała šmat ludziej, siamja źviartałasia na Akreścina, u Žodzina, da žurnalistaŭ i pravaabaroncaŭ, šukała Mikitu va ŭsich mahčymych śpisach zatrymanych demanstrantaŭ.
— Śviedčańniaŭ taho, što Mikita ŭdzielničaŭ albo nie ŭdzielničaŭ u akcyjach pratestu — niama. Dapoŭniena, P.S. Znajšłosia videa: tak, udzielničaŭ.
— 22 žniŭnia cieła chłopca było znojdziena ŭ lesie na vulicy Parnikovaj.
— Milicyja paviedamiła siamji, što na ciele Mikity niama bačnych cialesnych paškodžańniaŭ.
— Siamja nie bačyła cieła, žonka pajedzie ŭ morh u niadzielu, 23 žniŭnia. Žonka pakul abapirajecca na infarmacyju ad milicyi.
— «Anioł» nie davaŭ kamientaroŭ pra stan cieła i abstaviny śmierci.
— Mikitu Kryŭcovu było 28 hadoŭ. Jon rodam ź Vilejki, žyŭ niejki čas u Maładziečnie, jaho siamja žyvie ŭ Žodzinie. Byŭ futbolnym fanatam. U Instahramie jon byŭ padpisany «spadar Ščyry», na nazie ŭ jaho była tatuiroŭka ź Jakubam Kołasam.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary