U Minsku prajšła tradycyjnaja akcyja apazicyi, prymierkavanaja da 23-ch uhodkaŭ katastrofy na Čarnobylskaj AES.
14:46 Vystupiŭ z pramovaj Pavieł Sieviaryniec, jon taksama pračytaŭ "Ojča naš", praśpiavaŭ "Mahutny Boža" i prapanavaŭ pastavić śviečki.
Akcyja skončana.
14:36 Udzielniki akcyi (250-300 čałaviek) dajšli da kaplicy, što za płoščaj Banhałor.
14:09 Ad Vajskovych mohiłak, što na vulicy Kazłova, u bok praśpiekta pajechała try aŭtobusy ź milicyjaj i adzin aŭtazak. Praŭda, u "cyvilnaj" formie, biez kasak.
13:59 Hałava kałony ŭžo dajšła da vulicy Kujbyšava.
13:49 Kałona ruchajecca pa prapanavanym Minharvykankamam maršrucie: Chmialnickaha, Kujbyšava i h.d. Pryčym pieršymi zbočyli na hety maršrut anarchisty i siabry BCHD.
13:41 Udzielniki akcyi pajšli nazad.
13:33 Kałona padyšła da łancuhu AMONa, stajać nasuprać. Nichto nie kratajecca. Kolkaść kałony źmienšyłasia da 300 čałaviek.
13:21 Kałona marudna idzie ŭ bok AMONa. Kala amonaŭcaŭ staić hraf Prušynski i hukaje "Žyvie Białoruś".
13:16 La budynka BNTU staić AMON. Kala 40 čałaviek.
13:00 Viktar Ivaškievič zaklikaŭ pierajści na inšy bok praśpiekta (praz padziemny pierachod) i ruchacca kałonaj chodnikami ŭ bok Płoščy Jakuba Kołasa.
Supracoŭniki milicyi pravodziać pieratrus u ofisie inicyjatyvy "Chartyja-97". Jany spytalisia, čamu ŭ pamiaškańni stolki kamputaraŭ i čamu na manitorach partrety Alaksandra Łukašenki. Milicyjanty skazali, što niechta z kvatery skraŭ rovar, pieradaje radyjo Svaboda.
12:54 Mitynh praciahvajecca, jaho słuchaje niašmat narodu.
Častka ludziej pačała sychodzić, jak, naprykład, siabry niezarehistravanaha "Pravaha aljansu".
Uzdoŭž praśpiekta pašychtavalisia ŭžo siabry "Maładoj Biełarusi", "Jeŭrapiejskaj Biełarusi", "Moładzi BNF".
12:41 Zaraz la Akademii navuk 700-800 čałaviek. Vystupiŭ Lavon Barščeŭski, jon skazaŭ, što admaŭlajecca iści prapanavanym Minharvykankamam maršrutam, "bo tam prachod 1,5 m", ale ciapier pojdzie ź milicyjaj pierakanacca pra sapraŭdy vuzki pierachod.
AMON uvarvaŭsia ŭ ofis Chartyi'97, paviedamiła redaktarka Natalla Radzina.
Mitynh la Akademii navuk viadzie prafiesar Jury Chadyka.
12:28 Staršyniu Partyi BNF Lavona Barščeŭskaha namieśnik načalnika minskaj milicyi papiaredziŭ naknot adkaznaści, kali ŭdzielniki akcyi nie pojduć pa prapanavanym maršrucie vulicami Chmialnickaha, Kujbyšava, Surhanava na płošču Banhałor.
Lavon Barščeŭski adkazaŭ, što tam niama jak iści, niama narmalnaj darohi: "My patopčam travu, nam daduć štraf 6 młn, a ŭ nas takich hrošaj niama".
Pačaŭsia mitynh. Vystupaje prafiesar Ivan Nikitčanka. Niejkaja žančyna trymaje płakat: "Dzie Vy, mužyki?" z emblemaj ADS.
12:11 La Akademii navuk užo kala 500 čałaviek.
Vielmi aktyŭna siabie pavodziać anarchisty. Ich kala 70-80 čałaviek. Jany stali ŭ kvadrat, bjuć u barabany, trymajuć raściažki: "Altiernativa AES - jesť".
Z palityčnych lideraŭ u akcyi biaruć udzieł namieśnik staršyni Partyi BNF Viktar Ivaškievič, lider apazicyjnych kamunistaŭ Siarhiej Kalakin, kaardynatar Chartyi'97 Andrej Sańnikaŭ, sustaršynia BCHD Pavieł Sieviaryniec, pakul jašče staršynia BSDP Hramada Anatol Laŭkovič, moładzievyja lidery Artur Fińkievič i Jaŭhien Afnahiel.
12:03
La Akademii navuk a 12-j sabrałasia kala 200-250 čałaviek. Ludzi trymajuć kala paŭtara dziasiatka bieł-čyrvona-biełych ściahoŭ.
Jak i minułyja hady aktyŭničajuć anarchisty. Jany pryjšli z čyrvona-čornymi ściahami, a taksama čorna-zialonymi ściahami. Ich kala 40 čałaviek. Usie ŭ čornaj formie, reśpiratarach i adhaźnikach, trymajuć u rukach barabany.
Anarchisty ŭ Biełarusi, jak i partyja zialonych, najbolš aktyŭna i paśladoŭna vystupajuć suprać budaŭnictva AES.
Udzielniki niezarehistravanaj inicyjatyvy "Pravy aljans" usie jak adzin pryjšli na akcyju ŭ čornych akularach, ich kala 20 čałaviek.
Jość dva ściahi ADS, ściahi "Maładoj Biełarusi", prysutničajuć aktyvisty "Jeŭrapiejskaj Biełarusi"..
Prysutničaje delehacyja z pasiołku Družny, što pad Minskam. Tam, nahadajem, źbirajucca budavać zavod pa pierapracoŭcy jadachimikataŭ. Jany trymajuć u rukach raściažki: "Niet zavodu jadochimikatov v 25 km ot Minska", "Niet chimičieskomu Čiernobylu".
Jość raściažka Partyi BNF, prysutničaje "Moładź BNF".
"Małady front" schadziŭ da Čarnobylskaj kaplicy a 10-j, tamu akcyju ihnaruje. Nu i kiraŭnictva MF, jak viadoma, vystupaje za budaŭnictva AES.
Hraje muzyka. Hučyć "Narodny albom".
Pačaŭsia Čarnobylski šlach
Ad 13-j hadziny arhkamitet akcyi płanuje vystraić łancužok udzielnikaŭ «Čarnobylskaha šlachu» ad Akademii navuk da płoščy Jakuba Kołasa.
«Hetym łancužkom my projdziem pa zapłanavanym nami maršrucie: pa praśpiekcie Niezaležnaści, płoščy Jakuba Kołasa, vulicach Viery Charužaj, Bahdanoviča, Kulman, Karastajanavaj da Čarnobylskaj kaplicy», — zajaviŭ na pres-kanfierencyi ŭ čaćvier namieśnik staršyni partyi BNF Viktar Ivaškievič.
Minharvykankam prapanavaŭ arhanizatram pravieści kałonu demanstrantaŭ ad budynka Akademii navuk kala kinateatra «Kastryčnik» pa vulicach Chmialnickaha, Kujbyšava, Surhanava na płošču Banhałor da Čarnobylskaj kaplicy. Pry hetym milicyja abaviazvałasia zabiaśpiečyć bieśpieraškodny ruch udzielnikaŭ akcyi pa pierachodach, abmiežavaŭšy ruch transpartu.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary