Vatykan pakul aficyjna nie adreahavaŭ na słovy Alaksandra Łukašenki adnosna mahčymaści chutkaj sustrečy patryjarcha maskoŭskaha i papy rymskaha ŭ Biełarusi.
Pavodle krynicy z Vatykanu, takija sustrečy rychtujucca na vyšejšym carkoŭnym uzroŭni. Pradstaŭnik Vatykanu na ŭmovach ananimnaści taksama zaznačyŭ, što, kali b takaja sustreča papy i patryjarcha adbyłasia, to chutčej u Rymie ci Maskvie.
Niekalki supiarečlivymi vyhladajuć i niekatoryja inšyja vykazvańni biełaruskaha kiraŭnika padčas jaho učorašniaj presavaj kanferencyi ŭ Rymie. U pryvatnaści Łukašenka skazaŭ (i heta pieradali biełaruskija televizijnyja kanały), što jahonaja razmova z pantyfikam praciahvałasia 50 chvilinaŭ.
Pavodle aficyjnaj infarmacyi Vatykanu, aŭdyjencyja Łukašenki ŭ papy 27 krasavika pačałasia a 11‑j hadzinie. Heta sustreča razam ź pierakładam zaniała 25 chvilin. Potym a pałovie 12‑j papa sustreŭsia z arhientynskimi biskupami. Aŭdyjencyja praciahvałasia prykładna 40 chvilin. A 12:15 pavodle hrafiku papy adbyłasia hałoŭnaja sustreča taho dnia — aficyjny pryjom pantyfika ŭ honar čalcoŭ brytanskaj karaleŭskaj siamji: Čarlza, prynca Ŭelskaha, i Kamiły, hiercahini Karnuelskaj.
Tym časam pradstaŭnictva Rasiejskaj pravasłaŭnaj carkvy zajavu biełaruskaha kiraŭnika ab «chutkaj sustrečy ŭ Miensku» prakamentavali strymana, padkreśliŭšy, što takaja padzieja «nie pavinna vyznačacca nieadkładnaj palityčnaj kanjukturaj».
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary