Piotr Jałfimaŭ: Pakul nie sustreŭ čałavieka, jaki moh by napisać pryhožy tekst pa‑biełarusku

26 krasavika na sajcie interniet‑haziety BiełaPAN «Biełorusskije novosti» prajšła anłajn‑kanfierencyja z pradstaŭnikom Biełarusi na mižnarodnym konkursie pieśni «Jeŭrabačańnie‑2009» u Maskvie śpievakom Piatrom Jałfimavym i jaho pradziusieram Taćcianaj Kasmačovaj.

Na pytańnie, čaho jon čakaje ad «Jeŭrabačańnia», śpiavak adkazaŭ:

«Ja čakaju, kali jano pačniecca i skončycca… A kali surjozna, to dziakujučy konkursu my nabyli šmat siabroŭ u roznych krainach. I heta darahoha varta.

Žyćcio «Jeŭrabačańniem» nie zakončycca, u mianie vielmi šmat tvorčych płanaŭ. Naprykład, zapis treciaha alboma… Bieź mianie sumujuć studenty. U mianie napieradzie dziaržekzamieny jak mahistranta Biełaruskaj dziaržaŭnaj akademii muzyki. 22 kastryčnika ŭ Vialikaj zale Biełdziaržfiłarmonii adbudziecca adkryty ekzamien u dvuch adździaleńniach u supravadžeńni narodnaha i simfaničnaha arkiestraŭ, dzie ja budu vykonvać kłasičnuju muzyku».

Piatra zapytali, čamu i jon, i inšyja ŭdzielniki «Jeŭrabačańnia» ad Biełarusi vykonvajuć konkursnyja pieśni nie na rodnaj movie.

«Na žal, — adkazaŭ śpiavak, — apošnim časam ja nie sustreŭ na svaim šlachu čałavieka, jaki moh by napisać pryhožy tekst na biełaruskaj movie. A staryja tvory pa‑biełarusku ja śpiavaju časta i šmat, tamu što biełaruskaja mova vielmi piavučaja i nijakim čynam admoŭna nie ŭpłyvaje na moj hołas. Prychodźcie na maje kancerty — sami pierakanajeciesia».

***

Piotra Jałfimaŭ naradziŭsia 15 lutaha 1980 hoda ŭ Mahilovie ŭ siamji muzykantaŭ. Upieršyniu vyjšaŭ na scenu ŭ šaścihadovym uzroście.

U 14 hadoŭ staŭ salistam vakalnaha hurtu «Dubl W». U 1999 hodzie stvaryŭ hurt «Ehaist», u jakoj byŭ salistam i aŭtaram piesień. Svoj pieršy tvor «Kali b viedała ty» śpiavak napisaŭ u 18 hadoŭ. U 2004 hodzie staŭ uładalnikam Hran‑pry na Mižnarodnym konkursie vykanaŭcaŭ estradnaj pieśni «Viciebsk‑2004», što prachodziŭ ŭ ramkach Mižnarodnaha fiestyvalu mastactvaŭ «Słavianski kirmaš u Viciebsku». U 1998 hodzie P.Jałfimaŭ skončyŭ Mahiloŭski licej muzyki i chareahrafii, u 2005‑m — Biełaruskuju dziaržaŭnuju akademiju muzyki pa kłasie akademičnyja śpievy, sioleta zakančvaje mahistraturu.

P.Jałfimaŭ vypuściŭ dva aŭtarskija albomy: «Ja žadaju» (2005) i «Zvany» (2007). Ciapier rychtuje da vypusku novy albom «Pozirk kachańnia». U jaho ŭvojdzie i kampazicyja «Eyes that never lie», ź jakoj vykanaŭca budzie pradstaŭlać Biełaruś na «Jeŭrabačańni‑2009»

• 0
• 0
• 0
• 0
• 0
• 0
• 0
• 0