MZS Litvy: Za zajavaj ab zakryćci miežaŭ staić pošuk ujaŭnaj pahrozy zvonku
Słovy Łukašenki pra zakryćcio miažy ź Litvoj, Polščaj, a taksama ab uzmacnieńni miažy z Ukrainaj demanstrujuć žadańnie ŭskłaści adkaznaść za kryzis u krainie na źniešnija siły. Takoje mierkavańnie ŭ čaćvier u efiry nacyjanalnaha radyjo LRT ahučyŭ ministar zamiežnych spravaŭ Litvy Linas Linkiavičus.
«Heta vyklikana žadańniem luboj canoj prademanstravać prysutnaść niejkaj [źniešniaj] pahrozy, — zajaviŭ jon. — Kali takoj pahrozy niama, jaje treba znajści».
Jak paviedamili raniej u MUS Litvy, ruch transpartu praź litoŭska-biełaruskuju miažu adbyvajecca bieź jakich-niebudź zatrymak, u zvyčajnym paradku.
U čaćvier, vystupajučy ŭ Minsku, Łukašenka zajaviŭ, što Biełaruś vymušana zakryć dziaržaŭnuju miažu ź Litvoj, Polščaj, a taksama ŭzmacnić miažu z Ukrainaj. Jon źviarnuŭsia da narodaŭ hetych troch krain z zaklikam spynić svaich palitykaŭ i nia dać raźviazać «haračuju vajnu».
Kamientary