«Łukašenka — heta nie biełaruski narod», — kiraŭnik Ofisa prezidenta Ukrainy
Ukraina dałučyłasia da pazycyi Eŭraźviazu ab niepryznańni aficyjnych vynikaŭ prezydenckich vybaraŭ u Biełarusi.
«Łukašenka — heta nie biełaruski narod. Tamu my zaŭsiody pavinny pamiatać pra toje, što jość biełaruski narod, ź jakim Ukrainu źviazvajuć siabroŭskija adnosiny», — zajaviŭ Andrej Jarmak, kiraŭnik Ofisu prezydenta Ŭkrainy Ŭładzimira Zialenskaha, u prahramie «Svaboda słova Savika Šustera» na telekanale «Ukraina».
U intaresach Ukrainy, jak i luboha inšaha spradviečnaha susieda, kab Biełaruś była niezaležnaj dziaržavaj, dzie pavažajuć pravy čałavieka, adznačyŭ Andrej Jarmak.
«Ministerstva zamiežnych spraŭ Ukrainy vyrazna reahuje na zajavy biełaruskich palitykaŭ — naprykład, jak u vypadku pieratrusu mašyny našaha ambasadara na miažy, što niedapuščalna. Jakija b ni byli dziejańni biełaruskaj ułady, nieadkładna idzie adkaz z boku ŭkrainskaj ułady», — padkreśliŭ kiraŭnik prezydenckaha Ofisu.
Jon paćvierdziŭ, što padčas pryniaćcia rašeńnia ab žorstkich krokach aficyjny Kijeŭ znachodzicca ŭ kaardynacyi z eŭrapiejskimi partnerami, tamu što Ŭkraina maje vyrazny praeŭrapiejski vektar. Pazycyju Kijeva ŭ dačynieńni da Biełarusi Andrej Jarmak ličyć pryncypovaj i nakiravanaj pieradusim na abaronu ŭkrainskich intaresaŭ.
«Siońnia lubyja dziejańni, jakija mohuć traktavać jak umiašalnictva va ŭnutranyja spravy Biełarusi, ryzykujuć być vykarystanyja nia tolki suprać Ukrainy, a i suprać samoha biełaruskaha naroda. Tamu ŭłada pavinna być mudraj i mocnaj. My z našymi partnerami razam na hetaj pazycyi», — padsumavaŭ Andrej Jarmak.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha22
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu126126
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu126
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary