«Heta naš horad»: u Minsku prachodzić čarhovy marš piensijanieraŭ
Sotni piensijanieraŭ pačali Marš ad płoščy Niezaležnaści ŭ bok Kastryčnickaj i płoščy Pieramohi. Jany skandujuć antyłukašenkaŭskija łozunhi i «Heta naš horad».
Marš idzie pa praśpiekcie. Piensijaniery skandujuć «Vierym, možam, pieramožam», kiroŭcy vitajuć ich sihnałami.
Piensijaniery patrabujuć novych vybaraŭ.
U Maršy piensijanieraŭ u Minsku uziali ŭdzieł niekalki tysiač čałaviek
18.10
Kałona piensijanieraŭ, niahledziačy na sutyknieńnie ź siłavikami, dajšła da kinateatra «Kastryčnik». Tut stali spyniacca mašyny, hatovyja padvieźci pažyłych ludziej, piša «Radyjo Svaboda».
«Prajazdžajcie, što vy staicie! Praciahvajem ruch!» — razdražniona pryśpiešvaje spahadlivych kiroŭcaŭ supracoŭnik DAI z aŭtamabila ź mihałkami.
17.55
Piensijaniery pieraharadzili darohu aŭtobusam ź ludźmi ŭ bałakłavach i zapatrabavali vypuścić zatrymanych. Žančyny syšli z darohi tolki paśla taho, jak adnoj ź ich dali pierakanacca, što ŭ transparcie nikoha nie zastałosia. Hladzicie videa.
Hetaja chaatyčnaja scena adbyłasia nasuprać BNTU. Łukašenkaŭcy pierakryli dostup va ŭniviersitet, kali tudy padyšła kałona piensijanieraŭ.
Paralelna z hetym pobač na praśpiekcie vyciahnuŭsia łancuh salidarnaści miedykaŭ 1-j kliničnaj balnicy, jakija vyjšli padtrymać demanstrantaŭ.
17:35
Łukašenkaŭcy ŭžyli śviatłošumavyja pryłady dla razhonu piensijanieraŭ. Incydent adbyŭsia kala Biełaruskaha nacyjanalnaha techničnaha ŭniviersiteta na praśpiekcie Niezaležnaści ŭ Minsku.
Siłaviki stali zatrymlivać studentaŭ, jakija vyjšli pryvitać starych ludziej. Piensijaniery sprabavali vyrvać ich z ruk milicyi, tady ŭ ich bok palacieli śviatłošumavyja pryłady, paviedamlaje karespandent NN.
Taksama paviedamlajecca pra vykarystańnie ślezaciečnaha hazu.
Žančyny atačyli bus ź siłavikami i skandujuć: «Fašysty!»
17.25
Jak tolki kałona piensijanieraŭ syšła z płoščy Jakuba Kołasa ŭ bok BNTU, zakryli stancyju mietro «Akademija Navuk». Akramia taho, zastajecca pierakryty dla ruchu aŭtamabilaŭ praśpiekt Niezaležnaści.
Usio heta robicca, imavierna, kab mienš ludziej pabačyli ci padtrymali demanstrantaŭ.
17.15
Na płoščy Jakuba Kołasa ŭdzielniki Maršu piensijanieraŭ uskłali kvietki i płakaty da pomnika kłasiku.
16.45
Kałona piensijanieraŭ u Minsku dajšła da płoščy Jakuba Kołasa
Mietrapaliten zakryŭ stancyju mietro «Płošča Jakuba Kołasa». Udzielnikaŭ maršu nie zatrymlivali, ale ŭ kancy vyrašyli zrabić im drobnaje paskudstva.
15:45
Kałona dasiahnuła Kupałaŭskaha teatra. Ludzi kryčać: «Kupałaŭcam — słava».
15:53
Zatrymali fotažurnalistaŭ «Kamsamolskaj praŭdy» i TASS Śviatasłava Zorkaha i Natallu Fiadosienki. Piensijaniery ŭstupilisia za ich, kinulisia na darohu, kidali ŭ milicyjantaŭ kvietkami.
Anałahičnyja akcyi prachodziać u Breście, Hrodnie, Homieli, Lidzie.
***
Pieršy marš piensijanieraŭ prajšoŭ u minuły paniadziełak. Niekalki socień čałaviek prajšli ad Płoščy Niezaležnaści ła płoščy Pieramohi, a potym vulicaj Zacharava dajšli da Linhvistyčnaha ŭniviersiteta.
Kamientary