«Гэта наш горад»: у Мінску праходзіць чарговы марш пенсіянераў
Сотні пенсіянераў пачалі Марш ад плошчы Незалежнасці ў бок Кастрычніцкай і плошчы Перамогі. Яны скандуюць антылукашэнкаўскія лозунгі і «Гэта наш горад».
Марш ідзе па праспекце. Пенсіянеры скандуюць «Верым, можам, пераможам», кіроўцы вітаюць іх сігналамі.
Пенсіянеры патрабуюць новых выбараў.
У Маршы пенсіянераў у Мінску узялі ўдзел некалькі тысяч чалавек
18.10
Калона пенсіянераў, нягледзячы на сутыкненне з сілавікамі, дайшла да кінатэатра «Кастрычнік». Тут сталі спыняцца машыны, гатовыя падвезці пажылых людзей, піша «Радыё Свабода».
«Праязджайце, што вы стаіце! Працягваем рух!» — раздражнёна прыспешвае спагадлівых кіроўцаў супрацоўнік ДАІ з аўтамабіля з мігалкамі.
17.55
Пенсіянеры перагарадзілі дарогу аўтобусам з людзьмі ў балаклавах і запатрабавалі выпусціць затрыманых. Жанчыны сышлі з дарогі толькі пасля таго, як адной з іх далі пераканацца, што ў транспарце нікога не засталося. Глядзіце відэа.
Гэтая хаатычная сцэна адбылася насупраць БНТУ. Лукашэнкаўцы перакрылі доступ ва ўніверсітэт, калі туды падышла калона пенсіянераў.
Паралельна з гэтым побач на праспекце выцягнуўся ланцуг салідарнасці медыкаў 1-й клінічнай бальніцы, якія выйшлі падтрымаць дэманстрантаў.
17:35
Лукашэнкаўцы ўжылі святлошумавыя прылады для разгону пенсіянераў. Інцыдэнт адбыўся каля Беларускага нацыянальнага тэхнічнага ўніверсітэта на праспекце Незалежнасці ў Мінску.
Сілавікі сталі затрымліваць студэнтаў, якія выйшлі прывітаць старых людзей. Пенсіянеры спрабавалі вырваць іх з рук міліцыі, тады ў іх бок паляцелі святлошумавыя прылады, паведамляе карэспандэнт НН.
Таксама паведамляецца пра выкарыстанне слезацечнага газу.
Жанчыны атачылі бус з сілавікамі і скандуюць: «Фашысты!»
17.25
Як толькі калона пенсіянераў сышла з плошчы Якуба Коласа ў бок БНТУ, закрылі станцыю метро «Акадэмія Навук». Акрамя таго, застаецца перакрыты для руху аўтамабіляў праспект Незалежнасці.
Усё гэта робіцца, імаверна, каб менш людзей пабачылі ці падтрымалі дэманстрантаў.
17.15
На плошчы Якуба Коласа ўдзельнікі Маршу пенсіянераў усклалі кветкі і плакаты да помніка класіку.
16.45
Калона пенсіянераў у Мінску дайшла да плошчы Якуба Коласа
Метрапалітэн закрыў станцыю метро «Плошча Якуба Коласа». Удзельнікаў маршу не затрымлівалі, але ў канцы вырашылі зрабіць ім дробнае паскудства.
15:45
Калона дасягнула Купалаўскага тэатра. Людзі крычаць: «Купалаўцам — слава».
15:53
Затрымалі фотажурналістаў «Камсамольскай праўды» і ТАСС Святаслава Зоркага і Наталлю Фядосенкі. Пенсіянеры ўступіліся за іх, кінуліся на дарогу, кідалі ў міліцыянтаў кветкамі.
Аналагічныя акцыі праходзяць у Брэсце, Гродне, Гомелі, Лідзе.
***
Першы марш пенсіянераў прайшоў у мінулы панядзелак. Некалькі соцень чалавек прайшлі ад Плошчы Незалежнасці ла плошчы Перамогі, а потым вуліцай Захарава дайшлі да Лінгвістычнага ўніверсітэта.
-
За рулём дыпламатычнай машыны, якая сутыкнулася з паліцэйскім аўто ў Беластоку, быў консул Беларусі ў Аўстрыі
-
У Мінску жанчына выкінула з дзявятага паверха чыхуахуа свайго каханка
-
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары