Lilija Ułasava na voli. Pra heta paviedamiŭ Juryj Vaskrasienski ŭ intervju Tut.by.
Pa jaho słovach, joj źmianili mieru strymańnia na chatni aryšt. Jana vyjšła ź SIZA KDB u piatnicu ŭviečary, Vaskrasienski kaža, što sam jaje sustreŭ i advioz dadomu.
Člena prezidyuma Kaardynacyjnaj rady Liliju Ułasavu zatrymali supracoŭniki Departamienta finansavych rasśledavańniaŭ KDK 31 žniŭnia. U hety dzień jaje vyklikali ŭ Centralnaje RUUS Minska pa fakcie ŭdziełu ŭ niesankcyjanavanym mitynhu. U domie Ułasavaj u hety ž dzień praviali pieratrus.
Paźniej źjaviłasia infarmacyja, što ŭ dačynieńni da jaje raspačali kryminalnuju spravu pa č. 2 art. 243 KK RB (Uchileńnie ad vypłaty padatkaŭ). Sankcyi praduhledžvajuć da 7 hadoŭ pazbaŭleńnia voli.
Razam ź joj pa spravie prachodzić jaje syn Barys (zasnavalnik turystyčnaj kampanii «Mierlintur»). Suma škody składaje kala 615 tysiač rubloŭ.
Chto takaja miedyjatar Lilija Ułasava, jakaja ŭvajšła ŭ kiraŭnictva Kaardynacyjnaj rady?
***
U piatnicu byŭ pieraviedzieny pad chatni aryšt advakat Illa Salej, a siońnia stała viadoma pra vyzvaleńnie palittechnołaha Vitala Šklarava.
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary