Cichanoŭskaja: My nie budziem udzielničać u inicyjatyvach palityčnych samazvancaŭ
Śviatłana Cichanoŭskaja vykazałasia pra pieramovy, jakija prapanujuć biełarusam ułady.
«Režym čarhovy raz prapanuje biełarusam imitacyju dyjałohu. Ale damaŭlacca pra zakony i svabody, pakul u susiednim budynku katujuć niavinnych ludziej, niemahčyma. My nie budziem udzielničać u inicyjatyvach palityčnych samazvancaŭ i rekamiendujem inšym demakratyčnym siłam nie rabić hetaha.
Pry hetym, jak i ŭsie mirnyja biełarusy, my chočam sapraŭdnaha dyjałohu. Mienavita dla jaho startu ja inicyjavała stvareńnie pieramoŭnaha orhana — Kaardynacyjnaha savieta. Zdarycca heta moža pry vykanańni niaźmiennych patrabavańniaŭ: spynieńni hvałtu, vyzvaleńni palitviaźniaŭ i zajavie ab sychodzie Łukašenki. Ščyra vykanajcie hetyja ŭmovy — i pradstaŭniki naroda siaduć za stoł pieramoŭ. Mirnyja biełarusy prajšli zanadta składany i balučy šlach, kab admovicca ad svaich patrabavańniaŭ i metaŭ. Tamu temaj sapraŭdnaha dyjałohu buduć nie manipulatyŭnyja reformy Kanstytucyi, a novyja svabodnyja vybary», — zajaviła jana.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary