Dziasiatki tysiač minčukoŭ vyjšli na vulicy pamiaci zamučanaha Ramana Bandarenki. Siłaviki nie dali sfarmavacca kałonam. Kolkaść zatrymanych, pa našych acenkach, pieravysiła 1000.
Suprać demanstrantaŭ u Minsku ŭžyvali śviatłošumavyja hranaty i ślezaciečny haz. Jość paranienyja.
Siłaviki rabili ŭsio mahčymaje, kab pieraškodzić utvarycca vialikaj kałonie demanstrantaŭ. Ludzi raźbiahalisia, ale ŭparta viartalisia na maršrut da płoščy Pieramien.
Pratesty taksama iduć u Homieli, Viciebsku, Hrodnie, Baranavičach, Lidzie, Salihorsku, Maładziečnie, Žodzinie, Breście, Navahrudku i inšych haradach.
Paśla abiedu ŭ Minsku siłaviki razhramili miemaryjał na płoščy Pieramien. Dla hetaha siłaviki ściahnuli vialikuju kolkaść žyvoj siły i techniki. Paśla hetaha siłaviki pačali abłavy ŭ susiednich damach.
18:35
18:34
18:31
18:01
18:00
17:57
Na vulicy Ščadryna ŭ Minsku stralali ŭ mašynu, raźbili škło.
Kiroŭcu i pasažyraŭ zabrali, a mašyna tak i zastałasia stajać.
17:48
Pobač ź miemaryjałam Ramanu Bandarenku zastajucca vajskoŭcy sa ščytami. Jany akružyli płošču Pieramien.
17:47
U Minsku siońnia zatrymlivali Barysa Pasternaka — hiendyrektara rasijskaha vydaviectva «Vriemia», jakoje vydavała knihi Śviatłany Aleksijevič.
Jaho adpuścili z Frunzienskaha RUUS, ale staić paznaka «kryminalnaja».
16:54
16:40
U miachi amapaŭcy prybirajuć usio, što było na miemaryjale pamiaci Ramana Bandarenki.
16:33
Ludzi ŭ čornym pazryvali ściahi i płakaty, zrujnavali namioty. Ciapier jany sychodziać.
Niechta z načalnikaŭ u rupar kaža, što zatrymanych «rasstrelvać nie buduć».
16:27
Ludzi ŭ čornym rujnujuć miemaryjał: zryvajuć płakaty i bjuć łampadki.
16:24
Čałaviek, padobny da Dźmitryja Bałaby, niešta kaža ludziam, jakija zastajucca ačeplenyja na płoščy Pieramien. Pobač ź im inšy kiraŭnik siłavikoŭ. Jon biez maski. Ludziej pačynajuć vychoplivać sa sčepki. Zatrymanych viaduć u aŭtazaki.
16:23
16:10
16:06
16:04
Siłaviki za ščytami prybiehli da płoščy Pieramien, jany akružajuć ludziej la miemaryjału.
Ludzi stali ŭ sčepku i nie dajuć padyści bližej. Ich akružajuć.
16:03
16:00
Chłopiec vyrašyŭ budavać barykady, pierakuliŭ śmietnicu. Jaho prysaromili, pastavili kantejnier na koły i viarnuli ŭ jaho pakiety sa śmiećciem.
15:55
15:55
Z boku vulicy Asipienki taksama ruchajucca siłaviki. Pratestoŭcaŭ akružajuć u rajonie miemaryjała. Ludzi kancentrujucca tam.
15:50
Aŭtobusy z łukašenkaŭcami jeździać u rajonie Staravilenskaha trakta — Čarviakova. Čytačy taksama paviedamlajuć pra transpartny kałaps.
15:47
Hety mužčyna pabiŭ plitku na hanku kramy ŭ rajonie płoščy Pieramien, pieradaje karespandent Našaj Nivy. Paśla pavaliŭsia.
Jak piša Tut.by, mužčyna napaŭ na ich žurnalista i sprabavaŭ dušyć jaho šnurkom ad bejdža.
15:45
Čytačy Našaj Nivy paviedamlajuć, što łukašenkaŭcy znoŭ ruchajucca ŭ bok płoščy Pieramien. Ludzi zastajucca stajać na Čarviakova nasuprać kramy «Hipa». Tysiačy čałaviek la samoha miemaryjała.
15:43
U śpisie Viasny — 221 proźvišča zatrymanych siońnia pa ŭsioj Biełarusi. Siarod ich 13 žurnalistaŭ.
15:22
Siłaviki viartajucca da śpiectechniki.
15:20
Jašče niekalki chvilin tamu byŭ ačepleny ŭjezd na Čarviakova. Tam stajali aŭtazaki. Ale bačna, što ciapier prajezd całkam zabłakavany lehkavikami.
Jašče niekalki chvilin tamu byŭ ačepleny ŭjezd na Čarviakova. Tam stajali aŭtazaki. Ale bačna, što ciapier prajezd całkam zabłakavany lehkavikami.
15:10
Pad kryki «Uchadzi» siłaviki adstupajuć
15:05
Siłaviki zajšli na płošču Pieramien. Režuć stužki.
14:56
Na Čarviakova ściahvajecca padmacavańnie siłavikoŭ, napieradzie — vadamiot.
14:50
Novyja zatrymańni na Puškinskaj.
14:42
Zaraz zatrymańniaŭ na płoščy Pieramien niama. Pryjechała chutkaja dapamoha. Siłaviki sa zbrojaj stajać u łancuhu, zabłakavaŭšy Čarviakova ŭ rajonie kramy «Hipa». Pratestoŭcy praciahvajuć stajać nasuprać ich.
14:40
Siońnia ŭ Biełarusi na akcyjach zatrymanyja 13 žurnalistaŭ: Juryj Šamšur, TASS (adpuščany), Andrej Pakumiejka (BiełTA), Šura Pilipovič-Suščyc (Naša Niva), Jaŭhien Atciecki (fryłansier), Aleś Pilecki (Viciebsk), Andrej Łomaŭ (Hrodna.life), Ihar Maćviejeŭ (Viciebsk)? Jaŭhien Buzuk (Hrodna), Andrej Šaŭluha (BiełaPAN, Minsk), Michaił Kuncevič (autogrodno.by, Hrodna), Alaksandr Ivulin, Tribuna.com, Taćciana Haŭrylčyk (Minsk), Julija Kockaja (BiełaPAN).
14:39
14:26
Na Čarviakova hurtujucca supracoŭniki HUBAZiK razam ź ludźmi ŭ čornym, nasuprać ich znachodziacca pratestoŭcy. Ludzi skandujuć «Pašli von!», «Heta naš horad!»
14:22
Na płoščy Pieramien šmat strełaŭ, usio ŭ dymie. Pačaŭsia chapun, piša Radyjo Svaboda.
Siłaviki kidajuć śviatłošumavyja hranaty prosta ŭ hrupy ludziej, vykarystoŭvajuć ślezaciečny haz. Dziasiatki čałaviek schapili.
Pierad dvarom staić kardon siłavikoŭ. Ludzi adyšli, kab nie trapić pad streły, ale nie raźbiehlisia.
14:21
14:15
Na Płošču Pieramien pryjechali siłaviki, jany vykarystali śviatłošumavyja hranaty. Čuvać stralaninu.
Razam z tym u boku płoščy Pieramien ruchajucca tysiačy ludziej, mnohija z kvietkami.
14:10
Płošča Pieramien zaraz.
14:05
Užo viadomyja proźviščy bolš za 100 zatrymanych u Minsku i inšych haradach. Śpis tut
14:03
Na praśpiekcie Puškina HUBAZiKi schapili i zaviali ŭ bus maładoha čałavieka. Tam jaho pastavili na kaleni, pravieryli mabilnik i spytali, chto jon. Toj skazaŭ, što pracuje fielčaram.
I kali jamu ŭžo zzadu zaviazali ściažkaj ruki, unutr zabieh inšy supracoŭnik i zahadaŭ nieadkładna adpuścić fielčara. I jaho adpuścili.
14:02
U Navahrudku taksama prajšła akcyja pamiaci. Čytačy paviedamlajuć, što zatrymali šeść čałaviek.
13:55
U Minsku siłaviki pierakryvajuć skryžavańnie Bahdanoviča — Kulman u bok vulicy Kachoŭskaj.
13:42
U dvarach na vulicy Čyhładze praciahvajecca začystka.
13:40
U Hrodnie taksama adbyvajucca zatrymańni. Pa Savieckaj chodziać ludzi sa zbrojaj biez apaznavalnych znakaŭ. Paviedamlajecca, što ŭ centry horada tam źnik mabilny internet.
13:37
U rajonie Puškina — Cimirazieva zatrymlivali žančyn, navat stałaha vieku.
13:32
Siłaviki biehajuć pa dvarach pa Alšeŭskaha, a cichary chodziać pa Adojeŭskaha.
13:30
Siłaviki ŭ rajonie Puškinskaj sa ščytami biehajuć za pratestoŭcami, a taksama praviarajuć uvachody ŭ supiermarkiet.
Na płoščy Pieramien sabrałasia niekalki tysiač čałaviek.
13:21
Zatrymali fatohrafku «Našaj Nivy» Šuru Pilipovič-Suščyc.
13:18
Chapun na rahu Puškina i Alšeŭskaha. Zatrymanyja niekalki socień demanstrantaŭ.
Tratuary zaharadzili siłaviki, siudy padjazdžajuć aŭtazaki i sistema «Rubiež».
13:17
13:15
13:14
Usio skryžavańnie Prytyckaha i Puškina ŭ dymie. Jašče adzin vybuch hranaty kala kinateatra «Aŭrora». Ludzi adychodziać, jany razhublenyja, nie viedajuć, kudy dalej iści, paviedamlaje Radyjo Svaboda.
13:10
Na praśpiekcie Puškina kala doma № 62 — masavyja zatrymańni. Mužčyn advodziać u aŭtobusy.
13:06
Paviedamlajecca pra mocny vybuch u rajonie Puškinskaj. Potym jašče adzin. Napeŭna, heta śviatłošumavyja hranaty.
13:03
U chvaście kałony na rahu z Matusieviča zatrymlivajuć ludziej.
13:01
Demanstranty pierakryli skryžavańnie vulic Prytyckaha i Daniły Sierdziča. U rajonie skryžavańnia tysiačy ludziej.
Žančynie stała błaha z sercam na Puškina praz zatrymańnie muža. Vakoł jaje stajać inšyja pratestoŭcy i amapaŭcy, u tym liku i kamandzir minskaha AMAPa Dźmitryj Bałaba. Žančynu zabrała chutkaja.
12:59
12:55
12:49
U Viciebsku milicyja spyniła na vulicy Lenina fotažurnalista Tut.by i «Narodnaj Voli» Alesia Pileckaha.
«Pravieryli dakumienty, paśviedčańnie. Skazali, što zatrymlivajuć. Ciapier čakajem mašynu, kab jechać u RAUS. Milicyjanty pradstavilisia», — paviedamiŭ jon u redakcyi.
12:42
Zatrymańni ŭ dvarach na Puškina.
12:35
12:30
Na rahu Puškina — Matusieviča ludzi vyjšli na prajeznuju častku.
12:27
Karespandent «Našaj Nivy» paviedamlaje, što na Puškinskaj byŭ užyty ślezaciečny haz. Ludzi dapamahajuć pramyvać vočy paciarpiełamu.
12:25
Pramy ŭjezd u Minsk pa hrodzienskaj trasie pierakryty, mašyny nakiroŭvajuć naprava na MKAD. U vyniku ŭtvaryŭsia zator, paviedamlajuć karespandenty.
Taksama pierakrytyja vulicy Kalvaryjskaja ŭ rajonie Karony, raźviazka Arłoŭskaja — Pieramožcaŭ, Puškina na rahu z Charkaŭskaj. Niemahčyma prajechać u bok Puškinskaj.
12:20
11:59
Busy padjazdžajuć, razhaniajuć navat nievialikija kupki ludziej.
11:53
Na Puškinskaj pakul ludziej niašmat. Pa pierakryžavańni pastajanna kursirujuć busy, ludziej adhaniajuć ad miemaryjała Tarajkoŭskamu.
11:51
Na praśpiekcie Pieramožcaŭ u Minsku čytačy zaŭvažyli kałonu aŭtamabilaŭ ź dziaržaŭnymi ściahami.
11:36
Śpiectechnika pamiž budynkam Kupałaŭskaha teatra i Administracyjaj prezidenta.
11:12
Pierakrytyja padziemnyja pierachody na «Puškinskaj». Ludziej nie prapuskajuć. Niekatoryja pačynajuć pierabiahać pa darozie.
11:10
Siońnia ŭ Minsku siłavikoŭ bolš, čym minakoŭ. Čytačy paviedamlajuć ab troch aŭtobusach z amapaŭcami kala HC «Zamak«, ab skopiščy siłavikoŭ i braniatechniki la zavoda chaładzilnikaŭ «Atłant», i aŭtazakach i aŭtobusach pobač sa stancyjaj mietro «Spartyŭnaja».
11:05
Na stele na praśpiekcie Pieramožcaŭ u Minsku ŭsio bolš siłavikoŭ, ale kalučym drotam jaje pakul nie abnieśli.
10:46
Minski mietrapaliten paviedamlaje, što ŭ 10:35 «u metach biaśpieki pasažyraŭ na ŭvachod i vychad zakrytyja stancyi mietro Płošča Pieramohi, Kastryčnickaja, płošča Jakuba Kołasa, usie stancyi ad Kupałaŭskaj da Kuncaŭščyny ŭklučna, zakrytyja ŭsie stancyi treciaj linii».
Ciahniki iduć biez prypynku na hetych stancyjach.
Začynieny viestybiul dźviuch stancyj «Płošča Lenina» (uvachod z boku płoščy Niezaležnaści). Ciahniki spyniajucca na stancyi Płošča Lenina.
Mietrapaliten prynosić prabačeńni za časovyja niazručnaści.
10:30
10:20
U Minsku na Matusieviča ŭžo kałona aŭtobusaŭ siłavikoŭ.
Z ranicy ŭ centr Minska ściahvajecca vajskovaja technika, aharodžy na płoščy Niezaležnaści. Adklučany mabilny internet.
Kamientary