Na borcie rasijskaha sudna «Ursa Major», jakoje prachodziła pa Mižziemnym mory pamiž Ispanijaj i Ałžyram, adbyŭsia vybuch, ciepłachod zatanuŭ. Dvoje členaŭ ekipaža prapali bieź viestak, astatnich 14 udałosia vyratavać, paviedamlaje Euronews.
Raniej vydańnie Insider paviedamiła, što suchahruz, chutčej za ŭsio, nakiroŭvaŭsia ŭ siryjski port Tartus dla vyvazu rasijskaj vajskovaj techniki i ryštunku.
Pavodle danych ispanskich ŚMI, tych členaŭ ekipaža, jakija vyžyli, dastavili ŭ ispanski horad Kartachiena. Vybuch adbyŭsia ŭ mašynnym adździaleńni karabla.
Aficyjnym punktam pryznačeńnia sudna značyŭsia Uładzivastok. Pry hetym, jak ličać ekśpierty, «Ursa Major» z tryma vialikimi desantnymi karablami i jašče adnym ciepłachodam pad nazvaj «Sparta» nakiroŭvalisia ŭ siryjski port Tartus. Meta misii — vyvieźci vajskoŭcaŭ, techniku i ryštunak i takim čynam kančatkova spynić pracu rasijskaj vajskovaj bazy.
«Miedyjazona» adznačaje, što dva hetyja ciepłachody da 2022 hoda vykarystoŭvalisia ŭ składzie tak zvanaha «Siryjskaha ekspresa» dla zabieśpiačeńnia rasijskaj vajskovaj hrupoŭki ŭ Siryi.
Sudna vyjšła z Sankt-Pieciarburha 11 śniežnia. Pavodle danych ispanskich ŚMI, jamu piatnaccać hadoŭ, jano było pabudavana ŭ 2009 hodzie.
U Tartus siły siryjskaj apazicyi ŭvajšli 8 śniežnia, zachapiŭšy biez boju budynki dziaržaŭnych ustanoŭ. Na nastupny dzień pastupili paviedamleńni, što rasijskija vajskovyja karabli pakinuli punkt materyjalna-techničnaha zabieśpiačeńnia VMF RF u Tartusie. Heta ž paćvierdzili spadarožnikavyja zdymki.
Tady ž rasijskija ŚMI sa spasyłkaj na krynicy pisali, što lidary siryjskich paŭstanckich hrupovak harantavali biaśpieku rasijskich vajskovych baz i dypłamatyčnych pradstaŭnictvaŭ na terytoryi krainy. U toj ža čas pradstaŭniki novaj ułady vykazalisia suprać rasijskaj vajskovaj prysutnaści ŭ krainie.
«Visić na vałasku». Padzieńnie režymu Asada stavić pad pahrozu rasijskija apieracyi ŭ Afrycy
Izrail źniščyŭ vajskovy fłot Siryi
«Pryjechali na našy KPP, stralali ŭ pavietra». Rasijskija bazy ŭ Siryi całkam izalavanyja paŭstancami
Siryjskija paŭstancy ŭvajšli ŭ Tartus, dzie znachodzicca adzinaja rasijskaja vajenna-marskaja baza ŭ rehijonie
Rasijskija vajskovyja karabli pakinuli bazu ŭ siryjskim Tartusie
«Katastrofa ŭ Siryi nabiraje abaroty». Rasijskija vajenkary i ekśpierty ŭ šoku ad imklivaha padzieńnia haradoŭ
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary