14 traŭnia hramadzianskaja inicyjatyva kijaŭlan arhanizavała pikietavańnie ambasady Biełarusi ŭ Kijevie. Čyńnikam pasłužyli 14‑ia ŭhodki sumna viadomaha refierendumu 1995 h., kali była źmienienaja dziaržaŭnaja symbolika Biełarusi z nacyjanalnaj na savieckuju. «Paśla źmieny symboliki pačałosia pastupovaje viartańnie inšych savieckich paradkaŭ — cenzura ŭ ŚMI, cisk na apazycyju, pieraśled indyvidualnych pradprymalnikaŭ i relihijnyja hanieńni na «nieaficyjnyja» cerkvy», — zajaviŭ u svaim vystupie pastar Jarasłaŭ Łukasik, departavany z terytoryi Respubliki Biełaruś u 2007 hodzie.
Udzielniki pikietu zapatrabavali ad biełaruskich uładaŭ: viartańnie nacyjanalnych znakaŭ i admovy ad savietyzacyi hramadztva; a taksama spynić palityku pastupovaj likvidacyi biełaruskaj niezaležnaści i pakončyć z palityčnymi pieraśledami datyčna apazycyjnych dziejačaŭ i ruchaŭ, u pryvatnaści, suprać pradprymalnika Mikałaja Aŭtuchoviča. Pastar Jarasłaŭ Łukasik raspavioŭ pikietoŭcam ab toj sytuacyi, jakaja skłałasia vakoł spadara N.Aŭtuchoviča, ab jahonym niematyvavanym i niezakonnym utrymańni za kratami, ab abvieščanaj im haładoŭcy i padtrymcy sa boku aktyvistaŭ hramadzkaj arhanizacyi «Małady Front», jakija taksama vykazali svoj pratest uładzie admovaj ad ježy.
Paśla apoviadu hramadzkaści ab stanoviščy spraŭ u Biełarusi, adzin z arhanizataraŭ mierapryjemstva Mikałaj Małucha pasprabavaŭ pieradać pradstaŭnikam ambasady zvarot da ŭładaŭ. Supracoŭniki dyplamatyčnaj ustanovy, spasłaŭšysia na pryjom dakumentacyi tolki praz poštu, admovilisia vyjści i pierapynili hutarku. U vyniku, arhanizatary pieradali petycyju praź milicyjantaŭ, jakija achoŭvajuć ambasadu.
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»7
Kamientary