Mitrapalit Vienijamin sustreŭsia z Kačanavaj i Karpienkam: abmiarkoŭvali navučańnie studentaŭ
U aŭtorak staršynia Savieta Respubliki Natalla Kačanava praviała naradu, na jakoj prysutničaŭ ministr adukacyi Ihar Karpienka, a taksama kiraŭnik BPC, mitrapalit Vienijamin, piša BiełTA.
Ihar Karpienka, naprykład, adznačyŭ, što pamiž BPC i Ministerstvam adukacyi skłałasia tradycyjnaje ŭzajemadziejańnie.
«Padpisany adpaviedny dahavor, stvorany kaardynacyjny saviet pa ŭzajemadziejańni. My rehularna pravodzim jaho pasiadžeńni. U hetaj rabocie asablivuju ŭvahu nadajom pytańniam duchoŭna-maralnaha vychavańnia padrastajučaha pakaleńnia. Siońnia ŭ škołach užo ŭkaranili fakultatyŭnyja kursy «Asnovy pravasłaŭnaj kultury» z 1 pa 8 kłas. Ciapier na ekśpiertyzie znachodzicca adpaviednaja prahrama dla staršakłaśnikaŭ. Heta taksama budzie fakultatyŭ na vybar», — raskazaŭ jon.
Ministr adukacyi padkreśliŭ, što jość damoŭlenaść ź mitrapalitam pieryjadyčna sustrakacca i abmiarkoŭvać pytańni ŭzajemadziejańnia. «Voś uźnikła nieabchodnaść na ŭzroŭni Savieta Respubliki siońnia sustrecca, ahučyć našy inicyjatyvy. Kali jany buduć padtrymany, to ŭ dalejšym, viadoma, buduć realizavany ŭ ramkach tych damoŭlenaściaŭ, jakija jość pamiž BPC i Ministerstvam adukacyi», — rastłumačyŭ ministr.
«U nas jość peŭnyja namiotki na budučyniu. Ale kali prajšła sustreča ŭ Alaksandra Ryhoraviča, my ŭbačyli, što možna jašče bolš zrabić», — dadaŭ mitrapalit Vienijamin.
— Doŭhi čas u našym hramadstvie farmiravałasia takoje razumieńnie, što małady čałaviek pavinien być paśpiachovy, kab jon dobra vučyŭsia, nabyvaŭ peŭnyja viedy, zajmaŭsia sportam, muzykaj i hetak dalej. Urešcie pastupaŭ u prestyžnuju VNU, atrymlivaŭ śpiecyjalnaść, mieŭ dobry zarabotak i pavahu ŭ hramadstvie. Voś heta ŭsio składałasia ŭ paniaćcie «paśpiachovaść». Ale z časam akazałasia, što hetaha niedastatkova. Z adnaho boku, dla taho, kab być ščaślivym i dasiahnuć mety svajho žyćcia. Z druhoha boku, kali ludzi aryjentujucca tolki na hetu metu, jany niejak bolš skancentravany na sabie, na svaim vyniku i nie zaŭsiody zaŭvažajuć svaich blizkich, inšych ludziej.
Kab vychoŭvałasia duchoŭna raźvitaja moładź, niesumnienna, treba krychu źmianić i heta pytańnie. Zrazumieła, što maładym ludziam treba atrymlivać dobruju adukacyju. Ale razam z tym važna, kab jany lubili Radzimu».
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ26
Kamientary