Ekśpiert: Łaŭroŭ budzie havaryć z Łukašenkam pra daterminovyja vybary
Ministr zamiežnych spraŭ RF Siarhiej Łaŭroŭ u čaćvier sustreniecca z Alaksandram Łukašenkam i Uładzimiram Makiejem u ramkach rabočaha vizitu ŭ Minsk. Napiaredadni viečaram jon prybyŭ u biełaruskuju stalicu dla ŭdziełu ŭ pasiadžeńni kalehij MZS dźviuch krain.
Padčas kalehii baki buduć vymušanyja nadać uvahu situacyi ŭ Biełarusi, dzie ŭžo bolš za try miesiacy adbyvajucca masavyja pratesty paśla prezidenckich vybaraŭ.
Kiraŭnik Centra biełaruskich daśledavańniaŭ Instytuta Jeŭropy RAN Mikałaj Miaževič u razmovie z TASS vykazaŭ mierkavańnie, što z-za ŭnutranaj situacyi pytańni pahłybleńnia intehracyi RF i Biełarusi padčas pieramovaŭ, chutčej za ŭsio, adyduć na druhi płan. Dla intehracyi, pa jaho słovach, patrebny stabilny stan. Tamu, praciahnuŭ ekśpiert, «pieramovy buduć u bolšaj stupieni tyčycca pierśpiektyŭ vychadu biełaruskaj ułady i biełaruskaha hramadstva z palityčnaha tupiku».
Namieśnik dyrektara Instytuta krain SND Uładzimir Žarychin nie vyklučyŭ, što Łaŭroŭ padčas vizitu zavostryć uvahu mienavita na nieabchodnaści praviadzieńnia kanstytucyjnaj reformy. Pradstaŭniki Rasii nie raz padkreślivali, što ŭ pieršuju čarhu nieabchodna vykonvać toje, što abiacana: pravodzić kanstytucyjnuju reformu i daterminovyja vybary. «Usie ad Łukašenki hetaha i čakajuć, značnaja častka biełaruskaha nasielnictva i, ułasna, rasijskaje kiraŭnictva taksama ličać, što biez hetaha nie abyścisia», — adznačyŭ ekśpiert, dadaŭšy pry hetym, što pieramovy ŭ Minsku naŭrad ci buduć prachodzić u krytyčnaj płoskaści.
Pašpart Novaj Biełarusi pačnuć vydavać z 26 studzienia. Što viadoma i jak atrymać?76
Kamientary