Alaksandr Łukašenka na sustrečy ź Siarhiejem Łaŭrovym u Minsku. 26 listapada 2020 hoda. Skrynšot ź videa
Kiraŭnik MZS Rasii Siarhiej Łaŭroŭ u čaćvier na sustrečy z Alaksandram Łukašenkam u Minsku zajaviŭ, što rasijski bok — prychilnik damoŭlenaściaŭ, dasiahnutych u chodzie samitu 14 vieraśnia ŭ Sočy, paviedamlaje TASS.
«U nas całkam supadaje zacikaŭlenaść va ŭmacavańni adnosin. Možna heta pa-roznamu nazyvać, ale ŭ nas taja ž samaja meta — prasoŭvacca da ŭzajemnaj vyhady našych narodaŭ, našych krain i našaj Sajuznaj dziaržavy», — dadaŭ ministar.
Łaŭroŭ taksama zajaviŭ, što Maskva hatovaja padtrymać Łukašenku ŭ realizacyi vyłučanych im inicyjatyŭ, jakija datyčać biełaruskaha hramadstva.
«Vy vystupili z cełym šeraham inicyjatyŭ, jakija, ja liču, vielmi važnyja dla biełaruskaha hramadstva, — skazaŭ ministr. — Jak prezident Pucin nie raz padkreślivaŭ, my zacikaŭlenyja ŭ tym, kab hetyja inicyjatyvy adbylisia. Kali niešta možam zrabić u ich padtrymku, my zaŭsiody adkrytyja dla hetaha».
Taksama Łaŭroŭ zajaviŭ, što krainy Zachadu varoža staviacca da Rasii i Biełarusi i sprabujuć upłyvać na ich unutranyja spravy. Pa słovach ministra, Rasii i Biełarusi jość čym abaranić siabie ad dziejańniaŭ Zachadu.
Adnosiny Maskvy i Minska mocna palepšali paśla padziej žniŭnia 2020-ha. Da taho praŭładnyja ŚMI dźviuch krain viali infarmacyjnuju vajnu, Rasija taksama abmiažoŭvała pastaŭki tych ci druhich vidaŭ pradukcyi. Ale kali masavyja i praciahłyja pratesty stvaryli pahrozy źmieny sistemy ŭ Biełarusi, Alaksandr Łukašenka źmianiŭ rytoryku, a Maskva pryjšła jamu na dapamohu finansava i infarmacyjna.
Kamientary