Daškievič pra Babaryku: Jon nie moh być lidaram dla socień tysiač čałaviek, jakija vyjšli i ŭźniali bieł-čyrvona-bieły ściah

Na tezis viadučaj Nastasii Roŭdy, što lidaram pratestu staŭ Viktar Babaryka, jaki źnianacku zajaviŭ, što pojdzie ŭ prezidenty, hość apošniaha «Toka» Źmicier Daškievič zapiarečyŭ:

— Daražeńkaja maja, čałaviek, jaki nie viedaŭ, jaki jahony ściah, nie moh być lidaram dla hetych socień tysiač, jakija vyjšli i ŭźniali ściah. Jany to kazali: ściah nie treba! Jany biehali pa Banhałory i kazali: schavajcie ich!

Kab mnie chto sa štabistaŭ skazaŭ: schavaj bieła-čyrvona-bieły ściah — ja b moh raskrucicca na paru hadoŭ. Tamu chto lidar?

Davajcie sumlenna adkažam na heta pytańnie. Chto lidar? Tyja, chto pretenduje na palityčnaje miesijanstva i nie viedaje, što takoje Rasija, što takoje Pucin i jaki tvoj ściah, ci narod, jaki vychodzić?

Zvyčajnyja rabaciahi z majoj pramzony viedajuć. Voś u čym paradoks situacyi! U mianie kožny paniadziełak ciapier paŭdnia razmovaŭ, chto dzie spyniaŭ vadamiot, adzin kinuŭsia spynić, druhi razvozić, treci adbivaŭ kahości ŭ busach. I jany viedajuć, što takoje ściah, jany viedajuć, što takoje Pucin, jany viedajuć, što takoje sajuz z Rasijaj. Chto lidar?

Na maju dumku, lidar siońniašniaha dnia — heta Boh, heta zvyšnaturalnaja reč, jakaja nasupierak zakonam łohiki adbyvajecca. Lidar — narod, hramadstva.

Čytajcie taksama: «Daškievič vielmi pamylajecca nakont Babaryki»

Uvieś vypusk: 

00:00 — što ŭ vypusku
00:50 — piekła na Akreścina
05:25 — čaho bajacca supracoŭniki Akreścina
09:04 — jak milicejskija načalniki apynulisia ŭ kamiery pobač z Daškievičam
12:39 — čym kormiać na sutkach
13:15 — akt čałaviečnaści z boku viertuchajaŭ
16:22 — pra pieradačy i vałancioraŭ
17:30 — kolki dajuć vady aryštantam
18:13 — pra rabotnikaŭ Akreścina, jakija źbivali ludziej, a ciapier nosiać aryštantam vadu
19:57 — što za ludzi siadziać na sutkach
26:56 — pra mieru mahčymaściaŭ u zmahańni
29:18 — ci sukamierniki viedali, chto taki Daškievič
30:06 — jak siabie pavodzić z ahresiŭnymi supracoŭnikami izalataraŭ i turmaŭ
33:33 — jak unutrana siabie nastrojvać u niavoli, kab vyjści niazłomlenym
35:53 — čamu chutkija pieramieny byli b suprać biełarusaŭ
37:55 — pra maralny vybar, kali patrabujuć śviedčyć suprać inšych
40:10 — jak administracyi kałonij, izalataraŭ apuskajuć niazručnych viaźniaŭ
47:34 — pra kastavuju sistemu
50:24 — jak błatnyja sprabavali adhavaryć Daškieviča ad haładoŭki
51:52 — zachodniaja i ŭschodniaja turemnaja Biełaruś
57:14 — pra raźvitańnie z maci ŭ časie adsiedki
58:48 — što b skazaŭ sudździam, śledčym, prakuroram, jakija skrali piać hadoŭ žyćcia
01:01:04 — pra lustracyju
01:05:26 — pra statunki z Nastaj Pałažankaj u turmie
01:07:37 — čamu staŭ cieślarom, a nie prafiesijnym palitykam
01:08:58 — jak stavicca da taho, što dzieci hulajuć u pratestoŭcaŭ-amapaŭcaŭ
01:10:05 — toj žach, jaki adbyvajecca na Akreścina, — zakanamiernaść
01:12:41 — u «Pajedziem Pajadzim» ładziać śviaty z nacyjanalnaj simvolikaj
01:14:51 — čamu lidarami pratestaŭ stali vypadkovyja ludzi

• 0
• 0
• 0
• 0
• 0
• 0
• 0
• 0